Диссертация Педагогика магистри академик даражасини олиш учун

Хикоят. Накл килишларича, подшо ўз аъёнлари билан овдан кайтаётганида йўлда келаетган бир болани кўриб колади. Отидан тушиб, болага салом беради. Вазир бундан таажжубланиб, «Шохим, нега бундай килдингиз?» — деганда у: «Бу устозимнинг набираси. Устозга хурматим туфайли унга салом бердим» — деган экан. Бу наклда халкимизнинг устозга, муаллимга бўлган хурмат-эхтироми ифодаланган. «Хар кимки хаётдан олмаса таълим, унга ўргатолмас хеч бир муаллим», «Хаёт устоз, халк—муаллим» каби хикматлар жуда ўринли айтилган.
Зардуштийлик таълимотининг мукаддас китоби — «Авесто» да Якин ва Ўрта Шарк халкдарининг диний, ахлокий, тарбиявий карашлари ўз ифодасини топган. Бу таълимотнинг асосчиси Спитама Зарадуштра эрамиздан олдинги олтинчи асрда яшаган. Кўплаб тадкикотчиларнинг фикрича, зардуштийлик дехкончилик ва чорвачилик 6илан шугулланадиган халклар дини бўлиб, Хоразм ва Сўгдиёнада шаклланган, кейинчалик Эрон подшолигининг расмий динига айланган. Ўша даврларда оташпарастлик Эрону Турон заминда кенг ёйилган. Еттинчи асрга келиб Ўрта Осиё араблар томонидан фатх этилади ва зардуштийликнинг таъсири анча камаяди.
«Авесто»нинг педагогик киммати шундаки, у кўп асрлар давомида ёшларга илму маърифатни ўргатиш, ахлок-одоб фазилатларини тарбиялашда дастуруламал вазифасини бажарган. «Хар бир кишини шундай тарбиялаш зарурки, — дейилади «Авесто»да, — у аввало яхши ўкишни ва сўнгра ёзишни ўрганиб, энг юксак погонага кўтарилсин»
«Авесто»дан эзгулик ва яхшилик маъбудасига мададкор кучларни улугловчи дуоларни айтишган: «Мен зардуштийлик динига содик бўлишга ваъда бераман, мен яхши фикрлар, яхши сўзлар, яхши ишларга ишонаман...» Бундай машгулотлар бир кунда беш марта такрорланган. Ундан максад болалар калбида дунёдаги барча яхшилик ва эзгуликларнинг бунёдкори илохий Ахура Маздага эътикодни мустахкамлаш; инсонлар бошига ёвузлик ва ёмонликлар олиб келадиган Анхура Манудан эса нафратланиш хиссини тарбиялашдан иборат бўлган.
Бу даврда уламо-кохинлар болаларга сабок берганлар. Улар жамият маънавий хаётида мухим мавкега эга эдилар. Мактабда кичик ёшдаги болаларни ўкитиш жараёнида кўрсатмали куроллардан, хикоя килиш ва сухбат усулларидан кенг фойдаланиларди. Дарсда ўкувчилардан ўтган мавзуни шовкинсиз такрорлаш талаб килинар эди. Болаларда ёшликдан мехнатсеварлик ва касб-хунар кўникмасини шакллантиришга эътибор берилган. Улар ёш пайтиданок кўчат ўткизиш, уй-рўзгор буюмлари ясаш, ерга ишлов бериш, мол бокишга ўргатилган.
Хуллас, зардуштийлик таълимоти Ўрта Осиё халклари тарихида исломгача даврда карийб бир ярим — икки минг йил мобайнида умуминсоний ва миллий-ахлокий кадриятлар карор топишида, шунингдек, тарбияшунослик, ўкитувчи одобининг назарияси ва амалиёти шаклланишида мухим тарихий манбалардан бири бўлган.