Тадқиқотнинг амалий натижаси қуйидагилардан иборат:
бюджет сиёсатининг замонавий назарий асослари билан классик иқтисод
назарияларининг ўзига хос хусусиятлари аниқланган ва баҳоланган;
бюджет сиёсатини хорижий тажрибалар асосида амалга оширишнинг
устуворликлари белгиланган;
бюджет харажатларини амалга оширишда унга таъсир этувчи омиллар
тизимлаштирилган;
бюджет сиёсатининг ҳудудий хусусиятлари таҳлил этилган ва илмий
хулосалар шакллантирилган;
бюджетнинг натижавийлик мезонлари тизими шакллантирилган ва соҳалар
кесимида меъёрлар ишлаб чиқилган;
бюджет рискини аниқлашга қаратилган мезонлар аниқланган ва уларни
баҳолаш, оқибатларини бартараф этиш юзасидан таклифлар гуруҳлаштирилган.
Тадқиқот
натижаларининг
ишончлилиги.
Илмий
изланиш
ишончлилиги натижаларнинг таҳлил жараёнида Ўзбекистон Республикаси
Молия вазирлиги, Ўзбекистон Республикаси Давлат статистика қўмитасининг
расмий маълумотларидан, муайян меъёрий ҳужжатлар, тегишли идора ва
ташкилотларнинг
ҳисоботлари,
Жаҳон
молия
ташкилотларининг
ҳисоботларидан фойдаланилганлиги, ишда қўлланилган ёндашув ва
усулларнинг мақсадга мувофиқлиги ҳамда илмий асосланганлиги, келтирилган
хулоса, таклиф ва тавсияларнинг Ўзбекистон Республикаси Олий Мажлиси
Қонунчилик палатаси ва Молия вазирлиги амалиётида жорий этилганлиги
билан белгиланади.
Тадқиқот натижаларининг илмий ва амалий аҳамияти. Тадқиқот
натижаларининг илмий аҳамияти улардан Ўзбекистонда бюджет сиёсатини
ишлаб чиқиш ҳамда амалга оширишни такомиллаштиришга оид илмий
тадқиқот ишларини олиб боришда илмий-услубий асос сифатида фойдаланиш
мумкинлиги билан изоҳланади.
Тадқиқот натижаларининг амалий аҳамияти Ўзбекистон Республикаси
бюджет сиёсатини ишлаб чиқиш, бюджет сиёсати амалиётини такомиллаш-
тиришда, шунингдек, мустақил илмий тадқиқотлар олиб боришда, илмий
лойиҳа, олий таълим муассасаларида «Молия», «Давлат молиясини бошқариш»,
«Молиявий менежмент» каби фанлар бўйича ўқув дастурлари ишлаб чиқиш ва
унинг амалий базасини мустаҳкамлаш мумкинлиги билан изоҳланади.
Do'stlaringiz bilan baham: |
