Koreya o‘rta maktabi o‘quvchilarga ancha yuqori talablar qo‘yadi. Har bir fan
alohida o‘qituvchi tomonidan o‘qitiladi. O‘qituvchi o‘quvchi hayotida katta
o‘rin egallaydi va uning nufuzi ham yuqori. Oliy o‘quv yurtlaridan farqli ravishda
o‘quv dasturi bir o‘rta maktabda boshqasidan farq qilishi mumkin. O‘quv dasturi
negizini matematika, koreys va ingliz tillari, shuningdek, aniq fanlar tashkil etadi.
Qo‘shimcha fanlar san’atshunoslik, jismoniy tarbiya, tarix, xandasa (xitoy
iyeroglifikasi), etika, uy-xo‘jaliklarni yuritish, kompyuter savodxonligi darslaridan
iborat. Fanlar yildan-yilga o‘zgarib boradi. O‘qish haftada besh kun davom etadi,
oltinchi kuni o‘quvchilar biror bir to‘garakka qatnashishlari shart. Yaqin kunlarga
qadar maktablarda o‘g‘il va qiz bolalar alohida o‘qitilgan, biroq so‘nggi yillarda har
ikki jins aralash o‘qitilmoqda.
O‘quvchilar bahosidan qat’iy nazar bir sinfdan ikkinchisiga ko‘chirilaveradi.
Baho faqat maktabning so‘nggi yilida katta ahamiyat kasb etadi. Chunki ular
o‘quvchining oliy o‘quv muassasasiga o‘qishga kirishida katta rol o‘ynaydi.
Ko‘pgina o‘quvchilar o‘rta maktab darslaridan so‘ng qo‘shimcha kurslarga (xagvon)
qatnaydilar. Ularda ingliz tili va matematikaga alohida e’tibor qaratiladi.
Koreyscha oliy maktab «kodinxakkyo»deb ataladi.
Oliy maktabga 17 yoshda kirib, uni 19 yoshda tugatadilar. Maktablar u yoki bu
talabaning qiziqishlariga va kelgusida uning kasbi uchun muvofiq keladigan
ixtisoslashtirilgan bo‘limlarga bo‘linadi. Masalan, “ilmiy” oliy maktablar, xorijiy
tillar va san’atshunoslik maktablari mavjud. Ularning barchasiga talaba kirish
imtixonlarini muvaffaqiyatli topshirishgach qabul qilinadi. Oliy maktablar umumiy
va xususiy bo‘ladi. Bunday maktablar ma’lum bir mutaxassislik bermaydi, ular
talabani kollejga kirishga tayyorlaydi. Ma’lum sabablarga ko‘ra kollejga kirish istagi
bo‘lmagan talabalar uchun maxsus kasb-hunar bilim yurtlari mavjud. Ular
texnologiya, agro yoki moliya sohalariga ixtisoslashgan bo‘ladi. O‘rta maktabdan
farqli ravishda oliy maktabda o‘qish majburiy hisoblanmaydi. Biroq shunga qaramay,
2006 yilda koreys yoshlarining 97% oliy maktabni tugalladilar. Bu esa barcha
mamlakatlar orasida eng yuqori ko‘rsatkichdir.
Do'stlaringiz bilan baham: |