Э. Т. Бердиев, Э. Т. Ахмедов табиий доривор ўсимликлар

Эман (Дуб) – Quercus L. 
Эман дарахти Қорақайиндошлар – Fagaceae оиласига мансуб бў-
либ, бўйи 40 (баъзан 50) м гача етадиган йирик кенгбаргли дарахт. Шох-
лари ёрилмаган, кумуш рангли, пояси ёрилган, қўнғир кулранг тусли 

---

82 
пўстлоқ билан қопланган. Барглари тескари тухумсимон, патсимон бў-
лакли бўлиб, қисқа банди ёрдамида пояси билан шохларида кетма-кет 
жойлашган. Гуллари майда, кўримсиз, бир уйли ва бир жинсли. Оталик 
гуллари кучалага, оналиги 1-3 тадан бўлиб ёш новдаларида тўпланган. 
Меваси – гул қўрғонининг қўлтиғида жойлашган, узун бандли чўзиқ 
ёнғоқча. 
 
28-расм. Қўнғир эман (Дуб летний) – Quercus robur L.
МДҲ давлатлари, Европа қисми ўрмонларидаги туркумнинг асосий 
ўрмон ҳосил қилувчи турлари тарқалган ва улар дарё бўйларида ўсади. 

---

83 
Кавказ ва Узоқ Шарқда эманнинг бошқа турлари тарқалган. Эман тур-
лари Марказий Осиёга хусусан Ўзбекистонга интродукция қилинга-
нига 100 йилдан ошган. Эман турлари истирохат боғларида, хиёбон-
ларда ва кўчаларда манзарали дарахт сифатида ўстирилади. 
Халқ табобатида эманнинг қуйидаги икки тури – Оддий ёки қўнғир 
эман (Дуб обыкновенный, летний) - Quercus robur L. (Quercus peduncu-
lata Ehrh.) ва Қоя эмани - (Дуб скальный) - Quercus petraea Liebl. қўлла-
нилади. 
Эманнинг таркибида 7-20% ошловчи моддалар, 1,6% галлат ва эл-
лаг кислоталар, флавоноидлар ва бошқа кимёвий бирикмалар бор. 
Эманнинг пўстлоғи қайнатмаси буриштирувчи ва антисептик воси-
та сифатида оғиз бўшлиғи касалликларида (гингивит, стоматит ва бош-
қа) хамда томоқ шиллиқ пардаси яллиғланишида, милк қонаганда, ша-
моллаганда оғизни чайиш учун ишлатилади. Баъзан 20% ли қайнатмаси 
терининг куйган жойига ҳам ишлатилади.