Eektron darsliklarni o‘rganish. Biologiyani o’qitishda loyihalash texnologiyasidan foydalanish

Laboratoriya mashg’ulotining texnologik kartasi
(17 – mashg’ulot)

Bosqichlar Vaqti	Faoliyat mazmuni
	O`qituvchi	Talaba
1- bosqich Kirish (5 minut)	O`quv mashg’ulotining mavzusi, maqsadi, rejalashtirilgan natijasi va uni o`tkazish rejasini aytadi (1 ilova) 1.2. Mashg’ulot munozara ko`rinishida o`tishini aytadi	1.1. Diqqat bilan tinglaydi va yozib oladi
2-bosqich Bilimlarni faollashtirish (10 minut)	2.1. Mavzu bo`yicha asosiy tushunchalarga ta`rif berishni taklif qiladi va shu asosida klaster metodini o`tkazadi. (2 ilova)	2.1. Birma-bir doskaga chiqib, o`z fikrlarini bildiradilar.
3-bosqich Asosiy (55 minut)	3.1. Talabalarni 3 ta komandaga ajratadi va har bir komandaga alohida mavzuchalar tarqatadi Vazifani bajarishda qo`shimcha material va adabiyotlardan foydalanish mumkinligini aytib o`tadi. 3.2. Mavzu qay darajada o`zlashtirilganligi blits - o`yin usuli orqali nazorat qilinadi (3 ilova) 3.3. Prezintatsiyalarni taqdim etishlarini taklif etadi va munozarani shakllantiradi (4 ilova)	3.1. Mayda guruhlar bilan ishlashga o`rganadilar. 3.2. O`z olgan bilimlarini mustahkamlaydilar va bilish darajalarini aniqlashni o`rganadilar. 3.3. Taqdimot va munozarani o`rganib, kerakli joylarini yozib oladilar.
4-bosqich Yakuniy (10 minut)	4.1. Ishga yakun yasaydi va talabalarni baholash maqsadida B.B.B. usulini qo`llaydi. (5 ilova) 4.2. Mustaqil ish uchun vazifa beradi: shu mavzuga krossvord tuzish va keyingi mavzuni Insert usulida o`qib kelish. (6 ilova)	4.1. Tinglaydilar va savol beradilar 4.2. Krossvord tuzish bo`yicha qo`shimcha ma`lumot va Insert usulining mohiyatini tushuntirib berishni so`raydi

Darsning mavzusi: Suvda ham quruqda yashovchilarning xilma – xilligi va ahamiyati
Darsning ta`limiy maqsadi: O`quvchilarni suvda ham quruqda yashovchilaning xilma-xilligi, dumsizlar, dumlilar turkumining o`ziga xos xususiyatlari, vakillari va ahamiyati bilan tanishtirish.
Darsning tarbiyaviy maqsadi: O`quvchilarni suvda ham quruqda yashovchilarning xilma-xilligi, dumsizlar, dumlilar turkumining o`ziga xos xususiyatlari, vakillari va ahamiyati bilan tanishtirish orqali ilmiy dunyoqarashini kengaytirish, ekologik va iqtisodiy tarbiya berish.
Darsning rivojlantiruvchi maqsadi: O`quvchilarning suvda ham quruqda yashovchilarning xilma-xilligi, dumsizlar, dumlilar turkumining o`ziga xos xususiyatlari haqidagi bilimlari, darslik ustida mustaqil ishlash ko`nikmalari, nutq va muloqot madaniyatini rivojlantirish.
Darsni jihozlash: Suvda ham quruqda yashovchilarning xilma-xilligi, dumsizlar, dumlilar turkumining o`ziga xos xususiyatlari, vakillari aks etgan jadvallar.
Darsda foydalaniladigan texnologiya: Modulli ta`lim texnologiyasi (ikki o`quvchi hamkorlikda ishlashiga mo`ljallangan modul dasturi)
Darsning borishi:
I. Tashkiliy qism
II. O`tgan mavzu yuzasidan o`quvchilar bilimini test savol-topshiriqlari yordamida aniqlash va baholash.

1. 
   O`quvchilarni dars mavzusi, maqsadi, borishi bilan tanishtirish va ularning faoliyatini o`quv topshiriqlarini bajarishga yo`llash.
   
2. 
   Yangi mavzuni o`rganish:
   

a) yangi mavzu bo`yicha tuzilgan modul dasturini tarqatish va o`quvchilarni modul dasturining didaktik maqsadi bilan tanishtirish;
b) o`quvchilarning faoliyatini modul dasturidagi o`quv topshiriqlarini mustaqil bajarishga yo`llash;
v) har bir o`quv faoliyati elementi topshiriqlarining to`liq bajarilishini nazorat qilish, tegishli ko`rsatmalar berish;
g) har bir o`quv faoliyati elementi yakunida savol-javob yoki munozara o`tkazish.
O`qituvchi ushbu darsda o`rganiladigan o`quv materialini quyidagi manti­qiy tugallangan fikrli to`rt qismga ya`ni modulga ajratadi:

• 
  Dumsizlar turkumi.
  
• 
  Dumlilar turkumi.
  
• 
  Suvda ham quruqda yashovchilarning ahamiyati.
  
• 
  Suvda ham quruqda yashovchilarning umumiy ta`rifi.
  

Shu asosda quyidagi modul dasturi tuziladi.
“Suvda ham quruqda yashovchilarning xilma-xilligi va ahamiyati” mavzusi bo`yicha ikki o`quvchi hamkorlikda ishlashiga mo`ljallangan modul dasturi.