Metall-metall oksid elektrodlari.
pH ni o‘lchash uchun metall-metall oksid elektrokimyoviy tizimlarni ancha ilgaridan boshlab qo‘llangan, lekin hozirgi davrimizda ular ba’zi holatlarni hisobga olmaganda qo‘llanishdan chiqdi va gohida kuchli ishqoriy eritmalarning pH ini yoki titrlashda indikatorlar sifatini
baholashda ishlatiladi. Bunday tipdagi keng qo‘llaniladigan elektrodlarga
║H+, Sb2O3(qattiq)│Sb va ║H +, HgO(qattiq)│Hg kabilar misol bo‘la oladi. Surma (III) oksididan iborat elektrodning potensialiga kompleks hosil qiluvchi moddalar, masalan, sitratlar va tartratlar, hamda kislorod va kuchli oksidlovchilar yoki qaytaruvchilar salbiy ta’sir ko‘rsatadi. Simob oksididan tayyorlangan elektrod kompleks hosil qiluvchi agentlarga kam sezgir bo‘lib, xuddi surma oksidi kabi kislorod va kuchli oksidlovchi yoki qaytaruvchilar ta’siriga moyil. Kompleks hosil qiluvchi agentlarga simob sezgirligining pastligi elektrodning oksid hosil qilishiga moyilligining natijasi hisoblanadi.
Suvdagi eritmalar uchun pH standartlar
Dunyoning turli mamlakatlari tavsiya etadigan pH standatrlar bir xil
bo‘lmasdan, ularning pH qiymatlari ham ±0.02 pH birlikka farq qiladi. pH standartlar tayyorlashda foydalaniladigan suvning tarkibida na kislota na asos xossali moddalar bo‘lmasligi lozim; eritma tayyorlashda qo‘llaniladigan distillangan suvning yana bir bor qaynatishdan maqsad undan erigan karbonat angidridni yo‘qotishdir.
Quyidagi 12-jadvalda qo‘shimcha standatr eritmalarning tarkibi va pH qiymatlari berilgan.
Do'stlaringiz bilan baham: | 
