Эркаев Renessans indd

I. Учинчи Ренессанс пойдеворини яратиш – миллий тикланишдан...
21
тишимиз керак»
1
. Шу сабабдан мактабгача таълим, ўрта 
таълим, ўрта махсус таълим, олий таълим, илм-фан, 
маданият соҳалари тубдан ислоҳ қилинмоқда. Ёшлар 
сиёсати ҳар томонлама чуқур ривожлантирилмоқда, 
ёшларга ўз имкониятларини тўла юзага чиқариш учун 
барча шарт-шароит яратилмоқда. 
Учинчи Ренессанс пойдеворини яратиш ғоясини 
ўқитиш ва кенг жамоатчилик онгига етказишда ниҳо-
ятда эҳтиёткор бўлиш, меъёрдан ошириб юбормаслик 
талаб этилади. Мафкуравий ишларда совет давридан 
қолган бир иллат бор: ҳар қандай ғоя тарғиботини саф-
сатабозликка, кампаниябозликка айлантирамиз. Бил-
ганни ҳам, билмаганни ҳам эртаю-кеч тинимсиз гапир-
тирамиз, интервьюлар оламиз, одамларнинг меъдасига 
тегиб қолганини сезмаймиз. Ғоянинг мазмуни аста-се-
кин жўнлашади, баъзи жиҳатлари эса сохталашиб қо-
лади. Чунки интервью берувчилар, мақола ёзувчилар, 
журналистлар бир-биридан ўтказиб таърифлашга, 
ўзининг «ғоявий етуклиги»ни ва олға сурилган ғояга 
ҳаммадан садоқатлироқ эканини кўрсатишга ҳаракат 
қилади. Баъзан истак сифатида ёки мўлжал этиб бел-
гиланган ғоя, яъни ҳозирча йўқ нарса, аллақачон амал-
га оширилаётган бор нарса сифатида талқин қилина-
ди. Одамлар, табиийки, унга ишонмайди. Ана шундай 
мафкуравий шошма-шошарлик туфайли ғоянинг ўзини 
сохта сафсатага айлантирамиз ва 2–3 йилда обрўсиз-
лантириб, одамларни ундан юз ўгиртирамиз. Диалек-
тика қонунига биноан меъёр бузилса, ҳар қандай жара-
ён ўзининг инкорига айланади. Оддий тилда бу «қош 
қўяман деб, кўз чиқариш» дейилади. 2000 йилда эълон 
қилинган миллий ғоя ана шундай муносабатга учради. 
1 
Шавкат Мирзиёев. Янги Ўзбекистонда эркин ва фаровон 
яшайлик. (Олий Мажлисга Мурожаатномадан ва Ёшлар форумида 
сўзлаган нутқидан иқтибослар). – Тошкент: 2021, 10-бет.

---