Эсселар Toшкент «Turon zamin ziyo»

---

Бахтиёр Ҳайдаров
Бахт 
китоби
Эсселар
Toшкент
«Turon zamin ziyo»
2015
Kitobxon.Com
Kitobxon.Com

---

УЎК: 821.511.092
КБК 87.7
Ҳ-19
Ҳайдаров, Бахтиёр 
Бахт китоби: эсселар / Б.Ҳайдаров. – Т.: «Turon zamin ziyo» 2015. – 272 б.
ISBN 978-9943-4563-0-3
Бахтиёр Ҳайдаровнинг «Бахт китоби» илмий-оммабоп тўплами инсон 
руҳиятини англашга бўлган интилишлар маҳсули, деб баҳолаш мумкин. Ки-
тобни ёзишда муаллиф жуда кўп манбалардан ва қизиқарли маълумотлардан 
фойдаланган.
«Бахт китоби»нинг ўзига хос жиҳати, муаллифнинг бахт мавзусига фалса-
фий, ижтимоий, тиббий, ўрни келганда, диний нуқтаи-назардан ёндошишидир. 
Ушбу асар тилининг ширадорлиги, услубининг равонлиги, ёқимли юморини алоҳида 
таъкидлаш лозим.
УЎК: 821.511.092
КБК 87.7
Тақризчилар:
Адҳамбек Алимбеков,
филология фанлари номзоди, доцент
Илҳом Аслонов,
психология фанлари номзоди
ISBN 978-9943-4563-0-3
© Б.Ҳайдаров,
© “Turon zamin ziyo”
Тошкент, 2015 й.
Kitobxon.Com
Kitobxon.Com

---

Бахт китоби
3
СЎЗБОШИ
Бир куни талабалик давридаги қалингина “умумий” даф-
тар қўлимга тушиб қолди. Бу дорилфунун сабоқлари қайд 
этилган оддий дафтар эмас, балки беғубор орзулар жамланган 
сирли китобга ўхшаб туюлди, назаримда. Унда аллома устоз-
ларимизнинг содда, аммо чуқур мазмунли гаплари, ҳикматли 
сўзлар, айрим ўринларида эса ўз фикр-мулоҳазаларим ва 
хулосаларимни ёзганман. Бир дафтарга деярли ҳамма фан-
лардан сабоқларни ёзиш ҳозирги талабаларга одат бўлган. 
Бу дафтар ҳам шундай. Унда расмлар чизилган, курсдошлар 
эсдалик учун ҳазил шеърлар ҳам ёзиб беришган. Бамисоли 
илмий-кўнгилочар қўлёзма журналга ўхшайди. 
Болалик ёки ўсмирлик давридаги бирор севимли буюмни 
кўп йиллардан сўнг қўлга олсангиз, у гўё “вақт машинаси”га 
айланади: негаки қадрдон хотиралар уйғониб, бир зумда 
ўша даврга қайтгандек бўласиз. Дафтарни варақлар эканман, 
вақт бўйлаб саёҳат қилгандек бўлдим. Худди ҳозир дафтарни 
ёпаман-у, олийгоҳ ҳовлисида қувноқ сабоқдошлар билан уч-
рашаман... Ана шундай ширин хаёллар асносида, дафтардаги 
битиклар асосида, шунингдек, ҳаётий тажрибалар ва хотира-
ларни эсга олиб, асосида ушбу китобга тартиб бериш фикри 
туғилди. 
Ўйлаб кўрсам, “Бахт китоби”га материал тўплашни мак-
таб ўқувчилик пайтимдаёқ бошлаган эканман. Физкультура 
ўқитувчимиз, раҳматли Бозор Нафасов, “Жисмоний тарбия 
билан шуғулланган одамнинг қадди-қомати, дунёқараши, 
ҳатто феъл-атвори ҳам албатта яхши томонга ўзгаради”, дер-
дилар. Домлаларимизнинг шунга ўхшаш ўзига хос гаплари-
ни ёзиб, тўплаб юрардим. Бу ёзувлар кейинчалик синфдош-
лар ўртасида ҳам тарқала бошлади. 
Университетдаги устозларимиз эса ҳақиқий донишманд 
зотлар эдилар. Уларнинг дона-дона ва содда сўзлардан ибо-
рат маърузаларини тинглаганда, кўпдан бери излаб юрган 
жуда муҳим нарсангни топгандек мароқли таассурот пай-
Kitobxon.Com

---