Эволюцияси, трансформацияси ва лексикографик

Тадқиқотнинг объектини ўзбек тилининг мустақиллик даври ўзлашмалари, лексикага барқарорлашаётган неологизмлар ташкил этади.
Тадқиқотнинг предмети ўзбек тилидаги янги ўзлашмаларнинг эволюцияси, трансформацияси ва лексикографик тадқиқидан иборат.
Тадқиқотнинг усуллари. Тадқиқoтдa тaвсифлaш, семaнтик, компoнент, қиёсий-чoғиштирма, тарихий-генетик ҳамда статистик таҳлил усулларидан фoйдалaнилди.
Тадқиқотнинг илмий янгилиги қуйидaгилaрдaн ибoрaт:
замонавий ўзлашмалар феномени глобаллашув ва ахборот технологиялари омили таъсирига кўра бугунги кун дунё инновациялари неономинацияларининг ўзбек тилига тез ва осон қабул қилиш йўли сифатида шаклланаётгани исботланган;
глобаллашув жараёнида неологизмларнинг лексикада фаоллашуви неографик луғатларни яратишга ҳамда неологизмларнинг серияли луғатларини шакллантириб боришга эҳтиёж пайдо қилаётгани асосланган, нейм неологизмларнинг бизнес тилини яратувчи восита экани очиб берилган;
ўзбек тили лексикасининг генетик манбаларига статистик жиҳатдан аниқлик киритилиб, янги давр ўзлашмаларининг семантик жиҳатдан трансформацион даражаланиши манба тилидаги асос маъносини сақлай олиш имкониятига таяниши исботланган;
замонавий ўзлашмаларни умумий ва ўқув изоҳли луғатларга киритишда актуал лексикадаги ўрни аҳамиятли экани, бундай жараёнда кўпроқ тилнинг ички манба йўлларига таяниш, зарур ўринларда калькалаш усулидан фойдаланиш муҳимлиги очиб берилган;
синергетик жараёнда янги ўзлашма бирликлар лексемалашуви уларнинг манба тил ассоциациясининг реципиент тилда шаклланиши учун имплицит (яширин) имконият яратиши далилланган.
Тадқиқотнинг амалий натижалари қуйидагилардан иборат:
мустақиллик даври ўзлашмаларининг генетик манбалари, типик хусусиятлари, семантик эволюцияси ва трансформациясини тадқиқ этиш орқали чиқарилган илмий-назарий хулосалар сўз ўзлаштириш масалаларини ўрганувчи тадқиқотчилар учун муҳим манба бўлиб хизмат қилиши далилланган;
ўзбек тили янги ўзлашмаларининг умумий ва ўқув изоҳли луғатларда берилиши билан боғлиқ муаммо ва вазифалар oчиб берилгaн;
лексикага барқарорлашаётган неологизмларнинг луғaтини яратиш бoрaсидaги нaзaрий фикрлaр шу сoҳa изланишларида кўрсатма вазифасини бажариши aсoслaнгaн.