«фармацевтикада бошқарув» фанидан фармация факультети 5 – курс талабаларининг

3-машғулот. Фармацевтик корхоналарида маркетинг тизимининг ташкил этиш


Машғулот мақсади.
Талабаларда маркетингни режалаш негизи ва аҳамияти тушунчасини шакллантириш. Маркетинг хизматларининг асосий ташкилий элементлари тузилмасини баён этиш ва таърифлаш. Фармацевтик маркетинг хизматининг хусусияти ва ўзига хослиги, ҳамда умумий мақсадини кўрсатиш.
Мавзунинг аҳамияти.
Маркетингни бошқариш вазифаси талабнинг даражаси, вақти ва табиатига ташкилот ўз олдига қўйилган мақсадларига эришишда ёрдам берадиган тарзда таъсир этишидан иборат бўлади.
Мустақил тайёргарлик учун саволлар

1. 
   Маркетинг ахборот тизимига таъриф беринг.
   
2. 
   Маркетинг режаси нима?
   
3. 
   Маркетинг хизматининг ташкилий тузилмасини тасвирланг.
   
4. 
   Маркетинг ахборот тизимини ташкил қилишда маркетингни ташкил қилишнинг қандай моделлари мавжуд?
   
5. 
   Фармацевтик маркетинг бўлимининг функцияларини тасвирланг.
   
6. 
   Маркетинг режасига таъриф беринг.
   

Амалий вазифалар
Вазифа №1
Фармацевтика корхонаси дори воситаларининг хилма хил турларини ишлаб чиқаради. Мазкур ҳолатда маркетинг хизматини ташкил қилишнинг қайси моделини асос учун олиш керак?
а) функционал;
б) маҳсулот;
в) ҳудудий;
г) сегментли;
д) матрицали.


Вазифа №2
Фармацевтик корхона дори воситаларининг кам хилларини ишлаб чиқаради ва кам миқдордаги бозорларда сотади. Корхона маркетинг хизматини ташкил қилишнинг қайси моделини танлаши лозим?
а) функционал;
б) маҳсулот;
в) ҳудудий;
г) сегментли;
д) матрицали.


Вазифа №3

Фармацевтик менежмент фанини ўқитишда “Бумеранг” таълим технологияларидан фойдаланиши лозим.

Ишни бажариш учун намуна
1. Талабаларни 3 гуруҳга ажратади. Ўқув топшириқларини тарқатади . Вазифа бутун гуруҳ томонидан бажарилишини эълон қилади. Вазифани бажаришда дарслик, маъруза матнлари ва бошқа қўлланмалардан фойдаланиш мумкинлигини тушунтиради.
2. Тақдимотдан кутилаётган натижаларни эслатади. Гуруҳларда ишлашни бошлашганини эълон қилади.
3. Тақдимот қилади, жавобларни шарҳлайди, билимларни умумлаштиради ва гуруҳларда ишлаш натижаларини ўзаро баҳолашни ташкил этади, вазифани бажариш жараёнидаги асосий хулосаларга эътиборни қаратади.