Геологик хариталарни ўҚиш ҳозирги вақтда геологлар ихтиёрида турли мазмундаги

Қуруқлик тоғликлари фациал комплекси. Бу комплекс 
материкларидаги рельефнинг гипсометрик баланд майдонларини 
(тоғлар, тепаликлар) ўз ичига олади. Бу майдонларда асосан нураш 
жараёни ривожланган бўлиб, нураш материалларининг аксарият 
қисми ундан олиб чиқиб кетилади. Бундаги қолдиқ ётқизиқлар 
танаффус формациясини ташкил қилади.
Қуруқлик текисликлари фациал комплекси. Бу фациал 
комплекс тоғ этаклари, текислик водийлари ва эол текисликлари 
фациал минтақаларидан таркиб топган. Улар бир-биридан чўкинди 
оқимлар хусусияти ва тури билан фарқ қилади. Бу фациал 
комплексдаги ҳар бир фациал минтақада муҳит динамикасининг 
сусайиши бўйича тезкор, мўътадил ва шартли турғун зоналар аниқ 
ажратилади. 
Тоғ этаклари фациал минтақаси тепаликлар ва тоғ тизмалари 
этакларидаги текисликлар чеккасида жойлашган бўлади. Улар тоғ 
тизмалари ва тепаликларни қирқиб ўтувчи, ўзаро параллел 
жойлашган қуруқ сой ва жилғаларнинг конус ётқизиқларидан таркиб 
топган бўлади. Уларнинг ётқизиқлари дифференциацияланмаган 
ҳарсанг-гравийли, гравий-қум-алерит-гилли паттyмлардан таркиб 
топгандир. Кесмасида ритмийлик, қийшиқ қат-қатликлар, қуриш 
дарзликлари учрайди. 

---

8 
Текислик водийлари фациал минтақаси йирик дарёлар фаолияти 
туфайли кенг тоғ оралиғи ёки текислик водийларида ҳосил бўлади. Бу 
минтақада ўзан, қайр, старица, кўл ва ботқоқлик чўкиндилари 
шаклланади. 
Текислик водийлари фациал минтақасининг сувусти дельта 
ётқизиқларини ўзан чўкиндиларидан фарқлаш жуда қийин бўлади. 
Текислик водийлари ётқизиқларининг қалинлиги минг метрдан ортиқ 
бўлиши мумкин.
Эол текисликлари фациал минтақаси қум-алевритли бир 
жинсли мукаммал сараланган сариқ-кул рангли қумли чўкиндилардан 
иборат бўлиб, уларда йирик қийшиқ ва икки томонлама қияланган 
эол қат-қатликлари кузатилади.