Rashid zohid

كونكول كيم بو عظيمة ساز قيلدى بو مُشْكِل نقشنى بنياد قيلدى
اريتتى مشك و عنبر برله آغزين لبالب قيلدى شكّر برله آغزين
تيل اندين سونكره بيلدى خدمتينى آغيزگا آلدى سلطان مِدْحت ينى
غياث الحق و الدين بايسونغور كه سوزيگا قولاق توتغوچىدور در...
XIV asrda tug‘ilgan Xo‘jandiyning “Latofatnoma” asari (1411 yillar) Xorazmda hukmronlik qilgan Sulton Mahmudga bag‘ishlangan. “Latofatnoma”ning tuzilishi boshqa noma janridagi asarlardan farq qilib, unda har bir nomadan so‘ng g‘azal, fard, qit’a, munojotlar keltirilmaydi. “Latofatnoma”ning 5 ta qo‘lyozma nusxasi mavjud:

1. 
   uyg‘ur yozuvidagi Kobul nusxasi (Musee de Kaboul, 10);
   
2. 
   1509 yil ko‘chirilgan arab yozuvidagi London nusxasi (British Museum, Add. 7914);
   
3. 
   Istanbul nusxasi (Millet Kűtűphanesi, Arabi Numara 86);
   
4. 
   Istanbul nusxasi (Millet Kűtűphanesi, Arabi Numara 1221);
   
5. 
   Kanada nusxasi (Prof.Dr.Eleazar Birnbaum collection).
   

“Latofatnoma”ning uyg‘ur yozuvidagi hijriy 893/1488 yili YAzd hukmdori Amir Jaloliddin CHaqmoq buyrug‘i bilan ko‘chirilgan Kobul hamda Istanbul, London qo‘lyozmalarining fotonusxalariga asoslangan holdagi transkripsion matni 1980 yil Ergash Fozilov tomonidan nashr qilingan.
Asar tili haqida muayyan tasavvur hosil qilish uchun “Latofatnoma” baytlaridan misol keltiramiz:
سحر وقتينده كيم سلطان خاور جماليندين جهان بولدى منور
آليب نيزه ايليك كه خسرو چین حبش سلطاني نى قودى جهاندين
شه مشرق الم عالم غه اوردى سِپاهِ زنگى قورقوب يوز ياشوردى
چيقاردى ايرسه شه خنجر بيليندين حبش سلطانى قاچدى روم ايليندين.....
Mavzu yuzasidan savol va topshiriqlar
1. “Chig‘atoy turkchasi” bilan “eski anado‘li turkchasi”ning yaqinligi sababi nimada deb o‘ylaysiz?
2. XIV asr adabiy manbalari va ularning qo‘lyozmalari haqida gapiring.
3. “Muhabbatnoma” va “Dahnoma” asarining tuzilishini solishtiring.
4. “Latofatnoma”ning nechta qo‘lyozmasi mavjud?