Rashid zohid

Tahqiq ­­– haqiqatni yuzaga chiqarish; isbotlash; qarorlashtirish.¹³⁵

Toshbosma ­­– kitob chop qilishning bir turi bo‘lib, bunda ustida bo‘rtma yozuvlar hosil qilingan maxsus tosh (mum)ga siyoh surtilib, qog‘oz o‘sha tosh ustiga bosilgan. Natijada toshdagi matn to‘la holida qog‘ozda aks etgan. Bu uslub tosh ustidagi matnni bir necha nusxada ko‘chirish imkonini bergan

Toqa – qo‘lyozmaning o‘ng va ters qismidagi muqova varaqlari

Transkripsiya ­­– matnning talaffuz shaklini hozirgi yozuvda ifodalash, bunda so‘zning talaffuz shakli, tovushlar holati inobatga olinadi va shu narsa yozuvda aks ettiriladi

Transliteratsiya – matnni joriy yozuvga o‘girish, bunda matndagi so‘zlar aynan, harfma-harf joriy yozuvda aks etishi lozim

Tushunchaviy apparat ­­– adabiy manbashunoslik va matnshunoslik asoslarining tushunchaviy apparatini fanning terminologik lug‘atlari tashkil qiladi

Tug‘ro – qo‘lyozma kitoblar ilk sahifasining‘ orqa tarafiga qorada chizilgan turli belgilar

Unvon – avvalgi sahifaning uchdan bir qismiga zarhal rangda ishlangan bezakli naqsh (naqsh o‘rtasiga asar nomi yoki basmala bitiladi)

Fanning predmeti – mavzular majmuini aniqlash – tadqiqot ob’ektini, “konkret nima o‘rganilyapti – hodisami, qonuniyatmi, o‘zaro aloqalarmi”, degan savolga javob topish, ya’ni tadqiqot hududini aniqlash – bu tadqiqot predmetidir¹³⁶

Fanning metodologik asosi – fanning strukturasi, taraqqiyoti, ilmiy tadqiqot vositalari va usullari, uning natijalarini asoslash yo‘llari, bilimni tajribaga tatbiq qilish mexanizmlari va shakllarini o‘rganishdan iborat

Faol nusxa – ilmiy-tanqidiy matnni tayyorlash jarayonida tayanch nusxadan keyingi pog‘onada turuvchi yordamchi manbalar

Xattot – xat ustasi; chiroyli xat bituvchi