Sanoatkontexnazorat

2-§. Uskunalarni joylashtirish
248. Ishlab chiqarish uskunalarining joylashtirilishi xavfsizlikni, xizmat ko‘rsatish va
ta’mirlash qulayligini ta’minlashi, texnologik jarayon ketma-ketligi talablariga va texnologik
loyihalashning tasdiqlangan me’yorlariga javob berishi lozim.
249. Sex yo‘laklari bo‘sh, xomashyo va tayyor mahsulot bilan band bo‘lmasligi, sex ichki
25.04.2023, 12:21
Стр. 19 из 24

---

transporti harakatlanish hududidan holi joyda bo‘lib, ishlab chiqarish jarayoni ustidan
kuzatishning qulayligini ta’minlashi lozim.
250. Yo‘lak oraliqlari uchun minimal masofalar poydevor, izolatsiya, to‘siq va shu kabi
qo‘shimcha qurilmalarni hisobga olgan holda, uskunalarning eng turtib chiqqan qismlari
oralig‘ida belgilanadi.
251. Ishlab chiqarish uskunalari, quvur o‘tkazgichlarni ko‘rikdan o‘tkazish va tekshirish
tashkilotning texnikaviy rahbari tasdiqlagan jadvalga muvofiq amalga oshirilishi lozim.
252. Uskunalarga texnik xizmat ko‘rsatish ishlab chiqarish tashkilotlarining foydalanish
bo‘yicha yo‘riqnomasi (texnik xizmat ko‘rsatish bo‘yicha yo‘riqnomasi)ga muvofiq bajarilishi
lozim.
253. Montaj yoki ta’mirlash ishlari barcha operatsiyalarni amalga oshirish ketma-ketligi,
uskunalarning yechiladigan qismlarining joylashtirilishi nazarda tutilgan ishlarni bajarish
rejasiga muvofiq bajarilishi lozim. Ishlar tashkilot bo‘yicha buyruq bilan tayinlangan
muhandis-texnik xodimlar tarkibidan mas’ul shaxs rahbarligida amalga oshirilishi kerak.
254. Uskunalarni joylashtirishda quyidagi masofalar nazarda tutilishi kerak:
odamlar doimiy o‘tadigan yo‘lakda — kamida 1,5 m;
devor va uskuna oralig‘idagi yo‘lakda — kamida 0,8 m;
uskunalarning turtib chiqqan qismlari o‘rtasida — kamida 0,8 m;
sig‘imlar oralig‘ida (quvuro‘tkazgich armatura bo‘lmaganda) — kamida 0,3 m;
elektr lavhalardan uskunalarning turtib chiqqan qismlarigacha — kamida 1,25 m.
255. Sig‘imlar oralig‘idagi yo‘lakning kengligi yo‘lakdan ko‘chiriladigan uskunalar
kengligining 1 m ga orttirilganidan kam bo‘lmasligi kerak.