Ўзбекистон Республикасининг таълим соҳасидаги давлат сиёсатининг моҳияти қандай хужжатларда ўз ифодасини топган деб ўйлайсиз?

Командир маҳорати қандай санъат турини мукаммал эгаллаганлигида намоён бўлади?
Аввалом бор ҳар бир командирнинг маҳорати ҳарбий санъатни мукаммал эгаллаганлигида намоён бўлади, шундан келиб чиқиб қуйидаги таърифларга эътибор қаратсак:
Офитсернинг педагогик маҳорати - унинг психологик-педагогик тафаккури, ўз хизмат фаолиятини амалга ошириш учун зарур бўлган махсус билими, малакаси ва кўникмалари ҳамда ҳиссий-иродавий сифатлари бирлиги бўлиб, у офитсер шахсининг юксак тараққий этган ғоявий, касбий, ахлоқий, жанговар, ташкилотчилик ва ҳарбий педагогга хос хислатлари билан уйғунликда таълим-тарбия вазифаларини муваффақиятли амалга ошириш имконини беради.
Таркибий жиҳатдан педагогик маҳорат ўқитувчи (методист) маҳорати ва тарбиячи маҳоратига ажратилади.
Ўқитувчи (методист) маҳорати офитсеминг ҳарбий-педагогик жараённинг қонуниятларини, хусусиятларини, шахсий таркибга таълим бериш жараёнининг мақсад ва вазифаларини чуқур билишида намоён бўлади.
Тарбиячи-офитсер маҳорати ҳарбий хизматчилар тарбиясининг қонуниятларини, принсипларини, методларини, мақсад ва вазифаларини, асосий йўналишларини билиши ва бу билимлардан амалда тўғри фойдалана олиши билан ифодаланади.

	Билим, кўникма ва малакага таъриф беринг. Билим – шахснинг онгида тушунчалар, схемалар, маълум образлар кўринишида акс этувчи борлиқ ҳақидаги тизимлаштирилган илмий маълумотлар мажмуи. Кўникма – шахснинг муайян фаолиятни ташкил эта олиш қобилияти. Малака – муайян ҳаракат, фаолиятни бажаришнинг автоматлаштирилган шакли.
	Шахсий таркибнинг билими, кўникмаси ва малакаларини текшириш қайси методлар ёрдамида амалга оширилади? Ўқувчиларнинг ўқув фаолияти натижаларини текширишда шкалалаш, тест, рейтинг каби методлар қўлланилади. Ўқувчиларнинг ўқув фаолияти натижаларини шкалалаш – аниқ жараёнларни рақамлар тизими асосида моделлаштириш бўлиб, у сифат тавсифларни миқдор ўзгаришларга айлантиришга ёрдам беради. Тест (инглизчадан “тест” – синаш, текшириш, ўрганиш) – аниқ мақсад асосида муайян ҳолат даражасини сифат ва миқдорий кўрсаткичларда белгилашга имкон берувчи синов воситаси саналади. Рейтинг (инглизча “ратинг” – баҳолаш, тартибга келтириш, даража) – муайян ҳодисани олдиндан белгиланган шкала бўйича баҳолаш саналади. Рейтинг тизими ўқувчиларнинг билим сифатини назорат қилиш тури, методи ва шакли ҳисобланади.