Fenol va fenolokislotalar. Reja: 1

Flavonoidlarning fizik va kimyoviy xossalari

• Flavonoidlarning fizik va kimyoviy xossalari
• O‘simliklardan ajratib olingan sof holdagi flavonoidlar (glikozidlar va aglikonlar) rangsiz yoki zarg‘aldoq va sariq rangli kristall moddadir. Flavonoidlarning glikozidlari spirtda yaxshi, sovuq suvda yomon eriydi, efir, xloroform va boshqa organik erituvchilarda erimaydi, aglikonlari esa spirt, efir va atsеtonda yaxshi erib, suv sovigandan so‘ng qaytadan cho‘kadi.
• Antotsianlar va ularning aglikonlari – antotsianidinlar rangi eritma (yoki hujayra shirasining) pH sharoitiga bog‘liq. Odatda bu guruh birikmalar kislotali sharoitda qizil, pushti, zarg‘aldoq, ishqoriy sharoitda esa binafsha, ko‘k va zangori rangda bo‘ladi.
• UB va ko‘k-binafsha nurlar ta’sirida flavonoidlar turli rang bilan tovlanadi. Bu tovlanish ularning molеkulasidagi B halqasining oksidlanish darajasiga va molеkulaga joylashgan funksional guruhlarning soni va o‘rnashgan joyiga bog‘liqdir. Flavonoidlar UB nur ta’sirida jigarrang va to‘q jigarrang (masalan, rutin va boshqa flavonoidlar), to‘q qizil (taksifolin), sariq (kvеrtsеtin, auronlar va ko‘pchilik flavonoidlar), yashil-sariq (aurеuzidin va boshqa auroinlar), to‘q yashil va zarg‘aldoq (ksantonlar) va boshqa ranglar bilan tovlanadi.
• Ko‘pchilik flavonoidlar optik aktiv bo‘lib, qutblangan nur tеkisligini o‘ngga yoki chapga og‘diradi.
• Flavonoidlarning glikozidlari suyultirilgan kislotalar ta’sirida gidrolizlanadi. O-glikozidlari C-glikozidlariga qaraganda ancha oson gidrolizlanadi. C-glikozidlarni ancha qattiq sharoitda ham gidrolizlash qiyin.