Фермаларнинг хисобий схемалари

Рамани ҳисоблашга доир мисол

Фермани ҳисоблашга доир бажарилган мисолни давом эттирамиз.

Дастлабки маълумотлар: Рама равоғи L = 30 м, қадами B = 6 м, том ёпма қурилмаси пўлат профнастил, қор юки P_сн = 1 кН/м², шамол таъсири w₀ =0,60 кН/м². Устун материали С245 маркали пўлат, ҳисобий қаршилиги R_y= 24 кН/см².
Бино иккита, юк кўтариш қобилияти Q=50 тс, бўлган кран билан жиҳозланган. Кран ости релсининг пол сатхидан баландлиги 11.2 м. шу белгидан кран аравачали устигача бўлган баландлик H_k = 3.15 м; краннинг рельсдан чиқиб турган қисмини B₁ = 300; эни B₂ = 6,86 м; кран базаси K = 5,6 м; кран ғилдиракининг энг катта босими P₁ = 415 кН;аравача оғирлиги G_т = 132 кН; краннинг аравача билан оғирлиги G_k = 583 кН. Кран ости тўсининг баландлиги h_б= 1 м, (устун қадами В = 6 м бўлса), кран релсининг баландлиги 0,2 м.
Рамани ҳисоблаш учун устун ўлчамларининг аниқлаймиз.
Бинонинг кран рельси устидан стропила ферманинг остигача бўлган масофа
H₂ = H_k + 100 мм + а = 3.15 + 0,1 + 0,3 = 3,55 м;
H₂ =3,6 м (0,2 м каррали).
Пол сатхидан стропила фермаси остигача бўлган цехнинг баландлиги
H₀= H₁ + H₂ = 11.2 + 3,6 = 14,8 м.
Устун юқори қисмининг баландлиги
H_В = H₂ + h_б + h_р = 3,6 + 1+ 0,2 = 4,8 м.
Устун пастки қисмининг баландлиги
H_Н = H - H_В + 0,8 м = 14,8 – 4,8 + 0,8 = 10.8 м.
0,8-устун базасининг баландлиги.Устуннинг тўлиқ баландлиги (базанинг остидан)
H = H_Н + H_В = 10.8 + 4,8 = 15,6 м.
Горизонтал ўлчамлар. Устунга ўқдан боғланиш масофаси b₀ = 250 мм, эни эса b_k = 1000 мм. Шартни текширамиз:
b_k= 1000≥ H/20 = 15,6·1000/20 = 780 мм.
Шарт бажарилаяпти.


Кран релесининг устун ўқига боғланиш l₁ = 1250 мм, ва кран билан устун орасидаги масофа:
l₁– B₁ – (b_k – b₀) = 1250 – 300 – (750 – 250) = 200 мм  75 мм.
Кран ости консолининг устун четидан чиқиб турган қисми 500 мм.
Рамага тушадиган юкларни аниқлаш.
Ферманинг ҳисобланга аниқланган юклар доимий g = 0.55 кН/м² ва қор p =1 кН/м². Рама ригеладаги чизиқли юклар:
Доимий q_п =0.55·6 = 3.3 кН/м;
Қор q_сн =1·6 = 6 кН/м.
Крандан тушадиган юклар.
Бинодаги кранлар кран ости тўсинига бимриктирилган релслар бўйлаб ҳаракатланади. Иккита бир-бирига яқинлашган кранлардан ҳосил бўладиган юкларни аниқлаймиз. Кран таъсирлари вертикал ва горизонтал бўлиши мумкин. Иккаласи ҳам кран ғилдираклари орқали узатилади. Вертикал кран юки, кран оғирлигидан ва у кўтарган юк оғирлигидан иборат бўлади. Горизон юк кран аравачасининг юк билан тормозланишидан ҳосил бўлади.