Fizika fani haqida. Moddiy nuqtaning to’g’ri chiziqli harakati

O’zbekistonda fizika taraqqiyoti sohasida olib borilayotgan ishlar.
O’zbekiston mustaqillikka erishgandan so’ng ilm-fanning rivojiga alohida etibor berilmoqda. Hozirgi O’zbekiston fanlar akademiyasining ilmiy-tarmoqlar bo’yicha sakkizta bo’limi mavjud. Ulardan biri fizika-matematika fanlari bo’- limidir. Uning tarkibiga fizika sohasidagi faoliyat ko’rsatayotgan quyidagi ilmiy tekshirish institutlari kiradi: Yadro fizikasi Instituti; «Fizika-Quyosh» ilmiy ishlab chiqarish birlashmasi; Elektronika instituti; Astronomiya instituti;issiqlik fizikasi bo’limi. Hozirgi paytda O’zbekistonda fizikaning quyidagi yo’nalishlar buyicha ilmiy izlanishlar olib borilmoqda:
Issiqlik fizikasi- asosan akademik P.K.Habibullaev yaratgan ilmiy maktabda olib borilib, uning asosini O’zbekiston fanlar akademiyasining «Issiqlik fizikasi» bo’limi tashkil qiladi. Ilmiy ishlar bir jinsli bo’lmagan muhitlar issiqlik fizikasi; lazer nurlarining jismlar bilan o’zaro tasirlashuvi; yuqori haroratli o’ta-o’tkazuvchanlik, yo’nalishlariga taalluqlidir.
Yadro fizikasi- bu sohadagi ishlar asosan Yadro fizikasi Institutida olib boriladi. Ular O’zbekistonda 20-yillardan boshlangan. Lekin muntazam tadqiqotlar fizika tehnika institutida akademik s.A. Azimov (1914-1988) rahbarligida olib borilgan. 1956 yilda esa Yadro fizikasi instituti tashkil qilingan. Hozir bu erda; yadro spekttroskopiyasi va yadro tuzilishi; yadro reaktsiyalari; maydonning kvant nazariyasi; elementar zarralar fizikasi; relyativistik yadro fizikasi va boshqa yo’nalishlar bo’yicha ilmiy-tadqiqot ishlari olib borilmoqda.
Quyosh tehnikasi fizikasi (geliotehnika)-bu yo’nalishning asosiy maqsadi quyosh nuri energiyasini issiqlik energiyasiga aylantirishning fizik asoslarini ishlab chiqish va ular asosida yuqori samarali geliotehnik qurilmalarni yaratishga qaratilgandir. Bu tarmoqning rivojlanishida akademiyaning muhbir azosi G.Umarovning (1921-1988) hizmatlari katta. Hozirgi paytda honadonlarni issiq suv va issiqlik bilan taminlovchi quyosh isitgichlari, meva quritgichlar, sho’r suvlarni chuchuklashtiruvchi qurilmalar, quyosh energiyasi asosida ishlovchi boshqa moslamalar halq ho’jaligida keng foydalanilmoqda.