Foyda va zararlar to`g`risidagi hisobot tahlili, o`sish koeffitsientlari, balans hisobotini foizlar nisbatida tahlil qilish Reja: Kirish

Bank hisobotlaridan foydalanuvchilar va ularning manfaati uchun zarur bo`lgan ma`lumotlar²

№	Foydalanuvchilar	Foydalanuvchilarning manfaati uchun zarur bo`lgan ma`lumotlar
1	Aksionerlar	Bankning moliyaviy holati va dividendlar foizi bo`yicha kelgusidagi dividend siyosati
2	Investorlar	Mablag`larni sarflashdan ko`riladigan iqtisodiy samaradorlik va tavakkalchilik darajasi
3	Kreditorlar va depozitorlar	Bankning moliyaviy barqarorligi, ya`ni kreditorlar va depozitorlar va ularga hisoblangan foizlarni to`lash imkoniyati va hokazo
4	Chet el banklari	Bank korrespondentning ishonchliligi
5	Markaziy bank	Bankning samarali boshqarilayotganligi to`g`risida ma`lumotlar
6	Davlat soliq qo`mitasi	Aktivlar, daromad, xarajatlar va soliq to`lanishi bo`yicha ma`lumotlar
7	Boshqadavlat organlari	Milliy daromadlar to`g`risidagi ma`lumotlar
8	Ishchi va xizmatchlar	Mehnat haqini to`lash qobiliyati

Prezidentimiz SH. Mirziyoyevning 2021-yil 18-oktabrdagi PF-6325-sonli “2020—2025-yillarga mo`ljallangan “O`zbekiston Respublikasining bank tizimini isloh qilish strategiyasi to`g`risida”³ gi qarorida bank tizimining samaradorligini oshirish, moliyaviy barqarorligini ta’minlash, bank sektorida davlat ulushini kamaytirish, moliyaviy xizmatlarning ommabopligi va sifatini oshirish, xalqaro reytinglarda O‘zbekiston bank tizimining mavqeyini oshirish, nobank moliya institutlarini rivojlantirish kabi masalalarga e`tibor qilgan holda mavjud kamchiliklarni bartaraf etish ko`zda tutilgan. Qisqa qilib aytganda, ushbu qarorda banklarda davlat ulushini kamaytirish,ya`ni xususiylashtirish, kadrlarni xalqaro standartlar talablariga mos ravishda tayyorlashinvestitsion jozibadorligini oshirish orqali xorijiy investorlani jalb qilish asosiy maqsad sifatida qo`yilgan. Shuning uchun ham moliyaviy hisobotlarni yuritish, bank faoliyatiga baho berish, mavjud kamchiliklarni aniqlash imkoniyatini beradi. Subyektlar qaror qabul qilishlariga, to`g`ri istiqbolli iqtisodiy siyosat olib borishga moliyaviy natijalar to`g`risidagi hisobot ham muhim ta`sir ko`rsatadi.

Ushbu kurs ishini yozishdan maqsad, foyda va zararlar to`g`risidagi hisobot mazmuni va ahamiyatini yetarli ravishda yoritish orqali o`z taklif va mulohazalarni keltirib o`tishdir.