Fuqarolik jamiyati taraqqiyotida

Nodavlat elektron ommaviy axborot vositalari – o’z oldida Internet 
tarmog’ida ommaviy axborot vositasi (OAV) funksiyalarini bajarish vazifasini 
qo’yuvchi nodavlat tusdagi ro’yxatga olingan veb-saytlari. 
Nodavlat notijorat tashkiloti (NNT) – jismoniy va (yoki) yuridik shaxslar 
tomonidan ixtiyoriylik asosida tashkil etilgan, daromad (foyda) olishni o’z faoliyatining 
asosiy maqsadi qilib olmagan hamda olingan daromadlarni (foydani) o’z qatnashchilari 
(a’zolari) o’rtasida taqsimlamaydigan o’zini o’zi boshqarish tashkilotidir. 
O’ng – siyosiy kuchlar joylashuvida jamiyatning ijtimoiy-siyosiy tuzilishini 
saqlanishini maqsad qilib olgan konservativ siyosiy oqim. 
O’zini o’zi boshqarish – (ingl. municipal o’zini o’zi boshqarish); u yoki bu 
ma’muriy-hududiy birliklardagi aholining vakolatlarini ifodalovchi saylangan organlar va 
ularning ma’muriy apparati tomonidan amalga oshiriladigan mahalliy ahamiyatga ega 
bo’lgan ishlarni boshqarishga aytiladi. O’zbekistonda o’zini o’zi boshqarish organlari 
tarkibiga mahalla, qishloq, ovul va shaharcha fuqarolar yig’inlari kiradi. 
O’zini o’zi boshqarishning asosiy prinsiplari – O’zbekiston 
Respublikasining Konstitutsiyasida va qonunlarida mustahkamlangan o’zini o’zi 
boshqarish organlarining tabiati bilan bog’liq bo’lgan mustaqil faoliyatni amalga 
oshirishni tashkil qiluvchi rahbariy g’oyalar yig’indisidir. 
Okkultizm – fran. occultisme, nem. Okkultismus < lat. occultus – sirli, 
yashirin, dunyoning yashirin, g’ayrishuuriy, ilmiy tafakkurga sig’maydigan, ammo 
“tanlangan”, “taqim etilgan”largagina nasib etuvchi qudrati haqida notabiiy qarash.
Ommaviy axborot vositalari – keng ko’lamda axborotni yig’ish, ishlash va 
tarqatishni ta’minlovchi ijtimoiy institutlar va kanallar (matbuot, kitob nashriyotlari, 
matbuot agentliklari, radio, televideniye va h.k.).
Parlament – ingl. parlament, frans. Parler gapirmoq va so’zlamoq; parlament oliy 
qonun chiqaruvchi vakillik organi hisoblanadi.