G o o g L e автоматически создает html версии документов при сканировании Интернета. Page алишер навоий номидаги ўзбекистон миллий кутубхонаси сценарийлар тўплами сборник

Page 25

24
Иккинчи китобхон:
“Ким агар кўнгил бузуқнинг хотирин шод айлагай,
Онча борким, Каъба вайрон бўлса, обод айлагай”.
(Яъни, кимки ширин сўз билан кўнгли оғриган кишининг
кўнглини кўтарса, бу вайрон бўлган Каъбани обод қилган билан
баробардир) (намуна сифатида берилди).
Шундан сўнг кутубхона имкониятидан келиб чиққан ҳолда
актёрлар ёки китобхонлар иштирокида ривоятлардан саҳна
кўриниши намойиш қилиши тавсия қилинади.
Иккала бошловчи даврага чиқади.
Биринчи бошловчи: Бугунги кунда ёрдамга муҳтож,
меҳрибон, етим-есирларга моддий ва маънавий кўмак бериб
келаётган саховатпеша инсонлар орамиздан кўплаб топилади.
Иккинчи бошловчи: Меҳрли, саховатли кишиларга ҳамиша
омад кулиб боқаверади.
Биринчи бошловчи: Келинглар, барчамиз инсон бўлиб
дунёга келган эканмиз, инсондай яшайлик, бир-биримизга
ҳамиша меҳрли, оқибатли бўлайлик.
Иккинчи бошловчи: Эътиборингиз учун раҳмат.
(Тадбир сўнгида Юлдуз Усмонованинг “Ўзбекистон” қўшиғи
янграйди).
“САЙЁРАНИНГ ТОЗАЛИГИ – ҚАЛБНИНГ ТОЗАЛИГИ”
5-июнь Халқаро атроф-муҳитни муҳофаза қилиш кунига
бағишлаб ўтказиладиган тематик бадиий кеча сценарийси
Шаҳар ва кўчалар байрамга мослаб безатилган. Барча
ташкилот, мактаб, лицей, коллеж, олий ўқув юртларида, болалар
боғчалари ва маҳаллаларда экология кунига бағишлаб тадбирлар
ўтказилади.
Қуйидаги тадбир сценарийсидан ҳар бир ташкилот ўзларига
мослаб фойдаланишлари мумкин.
Атроф табиатни асрашга доир плакатлар билан безатилган.
Саҳнада табиатни асрашга бағишланган “Оламни асранг дўст-
лар” куйи остида бошловчилар даврага чиқиб келадилар.