Gadjet va ijtimoiy tarmoqlardan foydalanishning bolalar uchun zarari

GADJET VA IJTIMOIY TARMOQLARDAN FOYDALANISHNING BOLALAR UCHUN ZARARI
Ism, familiya
Universitet nomi
Annotatsiya: Ushbu maqola bugungi kunda tobora hayotimizning bir qismiga aylanib borayotgan gadjet va ijtimoiy tarmoqlar bolajonlarning aqliy va jismoniy rivojlanishiga qay darajada salbiy taʻsir etishini koʻrsatuvchi mavzusiga bag‘ishlangan. Maqolada ushbu vositalardan foydalanishning bolalar uchun zarari yoritib berilgan. Gadjet hamda ijtimoiy tarmoqlardan to’g’ri va unumli foydalanish zarurligiga to’xtalib, zararli oqibatlarga olib keladigan holatlar bayon qilingan. Shuningdek, tadqiqot ishida bu boradagi ilmiy fikrlar o’rganilib, tahlil qilingan.
Kalit so‘zlar: gadjet, ijtimoiy tarmoqlar, uyquning buzilishi, psixikaga ta’sir, radiatsiya, muloqot ko‘nikmalari, jismoniy sog‘likdagi muammolar, bola rivojlanishining kechikishi, chegaralar
Kirish: Gadjetlarning kichik bolalar va o‘smirlar uchun salbiy ta’siri shu darajada aniq ilmiy isbotini topgan, shu sababli bunday texnologiyalardan voz kechish tarbiyaning asosiy maqsadlaridan biriga aylanib ulgurdi.
Bugungi kunda qo'lida mobil telefoni bo'lgan bolani koʻrgan har bir inson, hayron qolmasa kerak. Bir tomondan, bu odatiy hodisa, ammo boshqa tomondan, beixtiyor bir fikr sirg'alib o'tadi – bola uchun telefondan foydalanishga hali erta emasmi? Bu zararli emasmi? Biz ushbu hodisaning ijobiy va salbiy tomonlarini tushunamiz va shu bilan birga, bunday sovg'aning qaysi yoshida ko'proq foyda keltirishi va nima bo'lishi kerakligini bilib olishimiz zarur. Yangi tadqiqotlardan maʻlumki elektron qurilmalar ekrani oldida o‘tkazilgan vaqt bolaning ruhiy salomatligiga kuchli ta’sir qilishi borasidagi masalalar ilgari surilmoqda. O‘tgan yili o‘tkazilgan tadqiqot natijalariga ko‘ra, hatto qishloqlarda yashaydigan maktab o‘quvchilari ham vaqtlarini ochiq havodagiga qaraganda telefon bilan ko‘proq o‘tkazishi maʻlum boʻldi.