Gadjet va ijtimoiy tarmoqlardan foydalanishning bolalar uchun zarari

Mobil qurilmalarni bola necha yoshdan ishlata boshlagani ma’qul?
Amerika olimlarining fikricha, bolaga ikki yoshigacha smartfon yo planshet bermaslik lozim.

• 
  3–6 yoshli bolalarning gadjet bilan bo‘lish vaqti sutkada, bir soatdan oshmasligini taʻminlash zarur.
  
• 
  6–12 yashar bolalar esa, pediatrlarning fikricha, gadjetlarga bir kunda ikki soatgacha vaqt ajratishlari mumkin.
  
• 
  Microsoft asoschi, jahonning eng boy insonlaridan bir boʻlgan Bill Geyts esa to farzandlari 14 yoshga kirmagunlariga qadar ularning smartfondan foydalanishlariga ruxsat bermagan².
  

Chegaralar asosli bo‘lsin. Farzandingizning gadjet va ijtimoiy tarmoqlar bilan vaqt o‘tkazishida oqilona chegaralar o‘rnatishga yordam beruvchi bir nechta tamoyilni ham inobatga oling:

• 
  Smartfon va planshetlar bolaning jismoniy faolligiga, real o‘yinlariga va uyqusiga xalaqit bermaydigan bo‘lishi darkor.
  
• 
  Yaxshisi, gadjetlar bilan bo‘ladigan vaqtini 15–20 daqiqa oralatib jismoniy faollik bilan almashtirib turing.
  
• 
  Uxlashga yotishdan bir necha soat oldinoq bolaning qo‘lidan gadjet va planshetlarni olib qo‘ying.
  
• 
  Farzandingiz biror nimadan asabiylashib, jazavasi qo‘zib turgan payti unga mobil qurilma bermang.
  
• 
  Shaxsiy e’tiborni, muloqotni gadjetlar orqali muloqotga almashtirmang.
  

Usullar va materiallar: Ota-ona bolaga gadjetlarning zararini minimallashtirish yo’lini qo’llashi lozim, ya’ni:
1. Bola maktab yoshiga yetgunga qadar gadjet texnologiyalaridan nazorat ostida, chegaralangan vaqt mobaynida foydalanishi shart.
2. Uydagi kompyuter va gadjetlarda agressiv va xulq-atvorga taʻsir qiluvchi o’yinlar umuman bo’lmasligini ta’minlash kerak, albatta, til o’rgatuvchi yoki bilim beruvchi o’yinlar bundan mustasno. Ammo ulardan ham meʻyorda foydalanishni ota-ona oʻz nazoratiga olishi darkor.