Geologiya- qidiruv va kon- metallurgiya

5-kun 02.06.2023
Texnik muhandis murojaatchi bilan bog’lanib ariza to’g’risida to’liqroq ma’lumot oladi va lozim topilsa obyektga o’lchash ishlarini amalga oshirish uchun brigada chiqariladi. Obyektda o’lchash ishlarini amalga oshirish uchun zarur texnikalar olinadi.



Yer maydoni katta yoki kichikligiga qarab zarur texnikalar jalb qilinadi. Katta hududlarni o’lchashda qo’l metrlaridan, kichikroq hududlarni o’lchashda zamonaviy lazerlardan faydalanish maqsadga muvofiq bo’ladi.

Zamonaviy texnikalardan foydalanishda kadrlar yetishmasligi, zamonaviy texnikalar yetishmasligi muammosi borligini inobatga olib ko’p o’lchash va rejalash ishlari qo’lda amalga oshiriladi.

Ammo bugungi kunda Kadastrlar palatasi tomonida Shveysariyaning “Leica Geosistems” kompaniyasi tomonidan ishlab chiqarilayotgan va tavfsiya qilib kelinayotgan geotexnikalardan foydalanish jadallashmoqda.

Obyektga chiqgan texnik xodimlar joydagi haqiqiy o’lchamlarni olib ofisga olib keladi.

6-kun 03.06.2023
Obyektga chiqib joydan o’lchamlar olib kelingandan so’ng ishning ofis qismi boshlanadi. Tuman bo’limida ishning ofis qismini bajarish uchun barcha shart-sharoitlar yetarli darajada, xonalar yetarli dasturlar va texnikalar bilan jihozlangan

Texnik muhandislar olib kelgan ma’lumotlarga tayanib muttahasislar bugungi kunda ommalashishga ulgurgan Autocad dasturida obyekt yoki yer maydoning chizmasini tayyorlashadi.

Autocad dasturi kadastr muhandislarining og’irini yengil qildi. Chunki avvallari barcha chizmalar kartashunoslar tomonidan qo’lda chizilgan ekan. Bugungi kunga kelib esa barcha parametrlari aniq bo’lgan obyektni chizish birgina dastur orqali amalga oshirilmoqda.

Tayyor bo’lgan chizmalar masshtab aniqligida qog’ozga tushuriladi va electron arxivga ham joylanadi.

7-kun 05.06.2023
Kecha texnik muhandislar tomonida olib kelingan o’lchamlar asosida Autocad muttahasislari obyektni qay tartibda tasvirlashlari va qay tarzda buni arxivlashni o’rgangan edim. Bugun esa muttahasislar tomonidan tayyorlangan tayyor chizmalarni 1C bazasiga kirgazish uchun qay tartibda murojaat etilishi haqida bilib oldim.