Germaniya bajardi: Abdullayev Bunyod mmt 94-2

Germaniya iqtisodiyotida retsessiya boshlandi
Statistika xodimlari Germaniya yalpi ichki mahsulotining ikki chorak ketma-ket pasayishini qayd etishdi. Bu Germaniya iqtisodiyoti retsessiyaga yuz tutganini anglatadi.
Germaniya iqtisodiyoti joriy yilning birinchi choragida yana qisqardi. Federal statistika boshqarmasi 25 may, payshanba kuni Germaniya yalpi ichki mahsulotini noldan minus 0,3 foizga kamaytirish bo‘yicha dastlabki hisob-
kitoblarni o‘zgartirdi. «Natijada, Germaniya iqtisodiyoti ketma-ket ikki chorakni salbiy natija bilan qayd etdi va amaldagi terminologiyaga ko‘ra, retsessiyaga yuz tutdi», — deyiladi idora bayonotida. 
2022 yilning to‘rtinchi choragida Germaniya yalpi ichki mahsuloti o‘tgan chorakka nisbatan 0,5 foizga kamaydi.
Mutaxassislar ta’kidlashicha, narxlarning davom etayotgan yuqori o‘sish sur’atlari joriy yil boshida Germaniya iqtisodiyotiga salbiy ta’sir ko‘rsatishda davom etdi. 
Bu, ayniqsa, xususiy iste’mol xarajatlariga sezilarli ta’sir ko‘rsatdi - joriy yilning birinchi choragida ular 1,2 foizga kamaydi. «O‘tgan chorak bilan solishtirganda xususiy uy xo‘jaliklari oziq-ovqat, ichimliklar, kiyim-kechak, poyabzal va mebel sotib olishga kamroq mablag‘ sarflagan», - deb ta’kidladi statistika xodimlari. Iste’molchilar yangi mashinalarni kamroq sotib olishdi. 
Iste’molga bo‘lgan davlat xarajatlari ham o‘tgan chorakka nisbatan 4,9 foizga sezilarli darajada kamaydi. 
Shu bilan birga, tashqi savdodan ijobiy impulslar olindi – korxonalar tomonidan 2022 yilning o‘tgan choragiga nisbatan 0,4 foizga ko‘p mahsulot va xizmatlar eksport qilindi. 
Oʻzbekiston — Germaniya munosabatlari
Oʻzbekiston — Germaniya munosabatlari — Germaniya bilan Oʻzbekiston Respublikasi oʻrtasida rasmiy munosabatlar 1992-yildan boshlangan boʻlsa ham, ikki davlat oʻrtasidagi aloqalar uzoq davrga borib takaladi. 20-asr boshlarida oʻzbek chevarlari orasida nemislarning „Zinger“ tikuv mashinasi nihoyatda mashhur boʻlgan.
Oʻzbekiston mustaqillikka eryshgach, ikki mamlakat oʻrtasida teng huquqli munosabat oʻrnatildi. Oʻzbekistonning Gʻarbiy Yevropadagi birinchi elchixonasi 1993-yil Bonn shahrida ochildi. Oʻsha paytdanoq oʻzaro aloqalar, delegatsiyalarning tashriflari yoʻlga qoʻyildi. Germaniya Federal iqtisodiy hamkorlik vazirining 1992-yil avgustdagi rasmiy tashrifi ikki tomonlama munosabatlarni rivojlantirish uchun asos yaratdi. Oʻzbekiston Respublikasi Prezidenti Islom Karimovning 1993-yil aprelda Germaniyaga qilgan tashrifi oʻzaro savdo-iqtisodiy munosabatlarga muhim omil baxsh etgan burilish voqeasi boʻldi.
Oʻzbekistondan Germaniyaga paxta tolasi, mis va undan yasalgan buyumlar, boshqa rangli metallar yetkazib beriladi va turli xizmatlar koʻrsatiladi. Germaniyadan Oʻzbekiston Respublikasiga asbobuskuna, baliq mahsulotlari, qand-shakar va qandolat mahsulotlari, bugʻdoy uni, kimyoviy mahsulotlar, qora metall va undan tayyorlangan buyumlar, transport vositalari, saryogʻ va oʻsimlik yogʻi, optik asbob va apparat lar, sut mahsulotlari, qogʻoz va karton, plastmassa va undan yasalgan buyumlar, uchish apparatlari va boshqalar yetkazib beriladi va turli xizmatlar koʻrsatiladi. Yengil sanoat, paxta va uning chiqitlarini qayta ishlash, tibbiyot va farmatsevtika preparatlari ishlab chiqarish, qishloq xoʻjaligi mahsulotlarini qayta ishlash, yuk va yoʻlovchi tashish, avtoservis, ilmiy ishlanmalar, savdo-sotiq va boshqa sohalarda bir nechta qoʻshma korxona faoliyat yuritayotir. Oʻzbekiston Respublikasi Tashqi iqtisodiy aloqalar vazirligi huzurida Germaniyaning 40 ta firma va kompaniyasi vakolatxonalari rasmiylashtirilgan. Ular qatorida „Daymler Bens“, „Simens“, „Alkatel“, „Tissen“, „Lyuftganza“, „BASF“, „Salamander“ kabi jahonga mashhur firmalar bor.
„Landtexnik-Tashkent“, „Chirkom“, „UzVinkler“, „Grasso“, „TashVirt“, „Intermed Ekosan“, „Nambum“ va boshqa qoʻshma korxonalar qishloq xoʻjaligi uskunalari tayyorlash, qishloq xoʻjaligi mashinalari va yoʻl texnikalari, telefon tarmoqlariga xizmat koʻrsatish, novvoychilik uskunalarini olib kelish va ularni montaj qilish, tibbiy dorilarni yetkazib berish, goʻsht-yogʻ mahsulotlari va qogʻoz ishlab chiqarish bilan mashgʻul.
O‘zbekiston-Germaniya o‘rtasidagi savdo – iqtisodiy va investitsiyaviy munosabatlar.
Germaniya Savdo-sanoat palatasi boshqaruvi aʼzosi doktor Folker Trayer boshchiligidagi Germaniya delegatsiyasining yurtimizga tashrifi doirasida joriy yilning 14-sentyabr kuni Toshkent shahrida “O‘zbekistonda Germaniya iqtisodiyoti kuni”ga bag‘ishlab, O‘zbekiston-Germaniya o‘rtasidagi savdo- iqtisodiy, investitsiyaviy hamda sanoat kooperatsiyasini rivojlantirishga doir bir qator tadbirlar bo‘lib o‘tdi.
Tadbirlarga boy dastur davra suhbati bilan boshlandi. Ushbu tadbir davomida ikki tomonlama hamkorlik masalalari va istiqbolli loyihalar muhokama qilindi.
Tadbirni O‘zbekiston Respublikasi Investitsiyalar va tashqi savdo vazirining o‘rinbosari Badriddin Abidov, O‘zbekiston Savdo-sanoat palatasi raisi o‘rinbosari Jamshed Urakov, Germaniya Savdo-sanoat palatasi tashqi savdo bo‘yicha bosh ijrochi direktori, boshqaruvi kengash aʼzosi Folker Trayer,
Iqtisodiyot va iqlimni muhofaza qilish federal vazirligining tashqi savdoni moliyalashtirish va rivojlantirish boshqarmasi boshlig‘i Gerlind Xekman, O‘zbekiston Respublikasi Investitsiyalar va tashqi savdo vazirligi huzuridagi Xorijiy investitsiyalarni jalb etish agentligi direktori Murod Mirzayev va Germaniyaning O‘zbekistondagi elchisi Tilo Klinner kirish so‘zi bilan ochdi.
O‘z qutlov nutqida spikerlar O‘zbekiston Germaniyani Yevropa Ittifoqining strategik hamkori deb bilishi hamda bugungi kunda ikkala tomon ham o‘zaro munosabatlarni yanada rivojlantirish uchun barcha saʼy-harakatlarni amalga oshirayotganligini taʼkidladilar. Shu bilan birga, yangi istiqbolli tashabbuslarni ilgari surish orqali ikki mamlakat o‘rtasidagi hamkorlik samaradorligini oshirish zarurligiga eʼtibor qaratildi.
Maʼlumot uchun: so‘nggi ikki yil ichida O‘zbekistonga kiritilgan Germaniya investitsiyalarining umumiy hajmi qariyb 2 milliard yevroni tashkil etdi. Shuningdek, hozirgi paytda Germaniya hamkorlari bilan birga qiymati 100 milliarddan ortiq bo‘lgan 10 dan ko‘proq qo‘shma loyihalar amalga oshirilmoqda.
So‘nggi 6 yil ichida O‘zbekistonda Germaniya kapitali ishtirokida tashkil etilgan korxonalar soni qariyb 3 barobar o‘sdi va bugungi kunda bu ko‘rsatkich 200 taga etdi. Joriy yilning 6 oyi davomida 17 ta qo‘shma korxona ishga tushirildi.