Go‘sht, parranda, va ularni kimyoviy tarkibi va ozuqlik qiymati. Go‘sht va go‘sht mahsulotlari. Go‘shtning kimyoviy tarkibi, oziqlik qiymati

Nuqsonlar
Nuqson uchun kamaytirish bali
Tananing deformatsiyalanganligi	5
Muskul to‘qimasining ichida sovutilgan go‘sht uchun haroratning 4^0C dan, muzlatilgan go‘shtlar uchun esa-8^0C dan yuqori bo‘lishi	10
Go‘sht yuzasi rangining va yog‘lari rangining kam darajada o‘zgarishi	5
Sovutilgan go‘sht yuzasida yupqa pardaning yo‘qligi va muzlagan go‘shtlar sirtining qor bilan qoplanishi	10
Tana sirtining ozroq shilimshiqlanishi	10
Tana sirtining ifloslanishi	15
Tananing zararkunandalar bilan zararlanishi va undagi jarohatlar	15
Ozroq nordon hidning paydo bo‘lishi	20

Shuningdek, zamburug‘ bakteriyalarining go‘sht ichiga chuqur kirishi, go‘sht yuzasi va yog‘lari rangining keskin o‘zgarishi, shilimshiqlanib qolishi, kuchli nordon hidning paydo bo‘lishi kabi nuqsonlar yo‘l qo‘yilmaydigan nuqsonlar deb aytiladi. Bunday nuqsonlarga ega bo‘lgan go‘shtlar sotuvga chiqarilmaydi. Agar go‘shtda yuqorida keltirilgan, ya’ni yo‘l qo‘yilishi mumkin bo‘lgan nuqsonlar topilsa, unda 100 balldan o‘sha nuqsonga mos holdagi ball ajratib tashlanadi.

Go‘shtni sotuvga chiqarishdan oldin har bir tana, yarim tana alohida-alohida baholanadi va butun partiya mahsulot uchun o‘rtacha ball ko‘rsatkichi shu asosda aniqlanadi.
Kasal mollar go‘shtlari va ulardan foydalanish imkoniyatlari. Mollarni go‘shtga so‘ygandan keyin hayvonning kasalliklar bilan kasallanish darajasiga qarab go‘shtlar uch toifaga bo‘linadi: iste’molga yaroqli, shartli ravishda iste’molga yaroqli (bunday go‘shtlarga iste’mol qilishdan oldin issiqlik ishlovi berilishi kerak), iste’molga yaroqsiz.