Халқ таълими вазирлиги

Фаннинг ўқув режадаги бошқа фанлар билан ўзаро боғлиқлиги, услубий жиҳатидан узвийлиги ва кетма-кетлиги
Археология фани тарих фани билан чамбарчас боғлиқ бўлиб, у Ўзбекистон тарихи, Жаҳон тарихи, Этнология, Тарихий ўлкашунослик ва туризм, Ёрдамчи тарих фанлари билан ўзаро алоқада ва узвий боғлиқ.
Кадрлар тайёрлаш миллий дастурида кўрсатиб ўтилган тингловчиларнинг тарихий дунёқарашини бойитишда, уларда мустақил фикрни қарор топтиришда, тарихни мукаммал даражада билишда, инсоният цивилизациясининг ютуқларидан ва тажрибасидан тўла баҳраманд бўлишда, умуминсоний қадриятларни англаб этишга кўмаклашиш ва дунё миқёсида мавжуд бўлган муаммоларнинг тарихий илдизларини излаб топишда археология фани ютуқлари муҳим ўринни эгаллайди.


Фаннинг таълимдаги ўрни
Ўзбекистон Республикаси Вазирлар Маҳкамасининг 1998 йил 27 июлда «Ўзбекистон Республикаси Фанлар Академияси тарих институти фаолиятини такомиллаштириш тўғрисида»ги қарорида ўзбек халқи ва унинг давлатчилигини тарихини холисона ўрганишнинг илмий асосларини шакллантириш, тадқиқотларни замонавий талаблар даражасига кўтариш, қадимги даврнинг ҳаққоний тархини тарихий манбалар асосида ўрганиш вазифаси белгиланган.


Фанни ўқитишда фойдаланиладиган замонавий ахборот ва педагогик технологиялар
Археология фанини ўқитишда мавзуга доир маъруза давомида археологик қазишмалар вақтида суратга олинган видео филъм ва слайдларни намойиш қилиш, компъютер технология ускуналарида археологияга доир ашёвий далил расмлари, буклетлар, макет ва чизмаларни кўрсатишда телекамера жиҳозларидан фойдаланиш, амалий машғулотларни музей экспонат ларини таништириш билан боғлаб олиб бориш, археологик объектларга экскурсиялар уюштириш тавсия етилади.
Дарс жараёнида педагогик амалиётга илмий асосланган педагогик технологиялардан («Ақлий ҳужум», «Инсерт», «Қандай», «Фикрлар ҳужуми», «Кластер» методи, «Бумеранг», «Чархпалак», «Блиc сўров», «Елпиғич» технологияси ва бошқалар) фойдаланилади. Бундан ташқари педагогик жараён натижаларини холисона баҳолаш учун тест усули, рейтинг тизими, тингловчининг билим ва кўникмаларини эгаллаш жараёнини назорат этиш мақсадга мувофиқ
Педагогик технологиялар асосида яратилган фанга оид ўқув мажмуалар берилади.