Hayot faoliyati

Radiatsion avariya to‘g‘risida ogohlantirish berilganda

qanday harakat qilish lozim? Ko‘chada bo‘lgan vaqtingizda

nafas yo‘llaringizni dastro‘mol (sharf) bilan muhofaza qiling va

binoda berkinishga shoshiling. Pana joyga o‘tganingizdan so‘ng

ustki va oyoq kiyimlaringizni yechib, plastik paketga joylang va

dush qabul qiling.

Deraza va eshiklarni yoping. Avariya to‘g‘risida qo‘shimcha

ma’lumotlar va mahalliy ma’muriyatlar topshiriqlarini olish

uchun televizor va radiopriyomniklarni ishlatib qo‘ying.

123

Shamollatish tuynuklari va derazalardagi yoriqlarni germetik

zich yoping va zarurat bo‘lmasa ularga yaqinlashmang. Germetik

sig‘imlarda suv zaxiralarini to‘plang. Ochiq qolgan mahsulotlarni

polietilen plyonkalarga o‘rab muzlatgich (shkaf)ga

joylab qo‘ying.

Nafas yo‘llaringizni muhofaza qilish uchun respirator,

paxta-dokali bog‘lam yoki filtrlash xususiyatini oshirish

maqsadida suvda namlangan matolardan tayyorlangan qo‘lbola

muhofaza vositalaridan foydalaning.

Ommaviy axborot vositalaridan zarur ko‘rsatmalarni olgach,

yod profilaktikasini o‘tkazing. Bunda 7 kun mobaynida kaliy

yodid tabletkasidan bittadan (0,125 g) ichib turing. 2 yoshgacha

bo‘lgan yosh bolalar uchun esa tabletkaning 1/4 qismi (0,04 g)

beriladi. Yodli kaliy bo‘lmagan taqdirda yodli eritmadan

foydalaning. Bunda kattalar uchun 1 stakan suvga 3-5 tomchi 5

%li yod eritmasi, bolalar uchun esa 1-2 tomchi aralashtiriladi.