Hayot faoliyati

Miya qon aylanishining vaqtincha buzilishi

Miya qon aylanishining vaqtincha buzilishi insultni eslatuvchi

o‘tkinchi holatdir. Ba’zan bunday holatni hatto «mik183

roinsult» ham deyishadi. Miya qon aylanishining vaqtincha

buzilishi, insultdagi singari miyaga qon oqimining kamayishiga

olib keladi. Bu holat bir soatgacha davom etishi mumkin.

Bunday buzilishlar, odatda, ertalab sodir bo‘ladi. Jabrlanuvchi

darhol shifokorga murojaat qilmog‘i lozim.

Insultda birinchi yordam ko‘rsatish

Har qanday shoshilinch vaziyatdagi kabi, birinchi yordamning

asosiy tamoyillari bo‘yicha harakat qiling.

Insultda quyidagi qo‘shimcha tadbirlarni qo‘llang:

1. Jabrlanuvchining og‘zidan suyuqlik oqib chiqishini

ta’minlash uchun falajlangan qismini yuqoriga qilib tiklanish

holatida yotqizing. Og‘zidan so‘lagini yoki qusiqni chiqarib

tashlash uchun barmog‘ingizni ishga solishingizga to‘g‘ri kelishi

mumkin.

2. Tez yordam yetib kelmaguncha jabrlanuvchining yonida

bo‘ling. Undagi tiriklik belgilarini kuzatib turing.

3. Insult jabrlanuvchida bezovtalik va qo‘rquvni yuzaga

keltirishi mumkin bo‘lgani uchun unga tasalli berib, ko‘nglini

ko‘taring.