Hayotning 101 qoidasi Uzbekistan 978-613-9-45185-2

67.Hammadan ajralib turing
 

---

59
Rouseau shunday yozadi: “Urf-odatlarga qarshi turing, yaxshi natijalarga erishasiz”. 
Apple kompyuterlari haqidagi ajoyib reklamalar bizni boshqacha fikrlashga chorlaydi. 
Men nutqlarimning birida tomoshabinlarga qarata shunday degan edim: “Agarda siz 
omma bilan harakatlansangiz, manzilingizning chiqish eshigi bo’ladi”. Unumli va 
mazmunli hayot kechiring va eng asosiysi o’zingizning hayot yo’lingizni yo’qotmang. 
Boshqalarning ta’siri bosimi ostida yashashni to’xtating. Agarda siz dunyoning mashhur 
insonlari hayotiga nazar tashlasangiz, shunga amin bo’lasizki, ular hech qachon 
boshqalarning o’y - xayollariga e’tibor berishmaydi. Ular o’z harakatlariga bildirilgan 
fikrlarni tinglamay, hayotlarini davom ettiraverishadi. Bundan tashqari, ular har bir 
orzuning asosida muvaffaqiyatni ko’rishadi. O’zgacha bo’lish haqida Kristofor 
Morleyning bir mashhur aforizmga aylanib ketgan, so’zi bor: “Hech kim o’qimayotgan 
paytda, har kuni o’qing. Hech kim o’ylab ko’rmagan narsalar haqida o’ylang. Agarda 
miyyangiz bir xillikka o’rgangan bo’lsa, juda achinarli”. Emersonning talqinida 
aytadigan bo’lsak: “Dunyodagi odamlarning fikrini e’tiborga olmay, yolg’izlikda hayot 
kechirish ni hamma ham eplashi mumkin. Lekin, buyuk inson qayerda va qancha ko’p 
odamlar ichida bo’lmasin, o’z qobiliyatlari bilan ajralib turadi.
Keyingi oyda har bir qilayotgan ishingiz haqida chuqur o’ylang. Boshqalar qilayotgani 
sababli siz ham shu ishni bajarmang. O’zingiz uchun to’g’ri deb hisoblagan mashg’ulot 
bilan shug’ullaning. Hayotda hammadan boshqacha bo’lib yashash-eng maqbul yo’ldir. 
Xuddi Einstein, Picasso yoki Betxoven kabilardek.
68. Oltin varaqa olib yuring 
Hayotim davomida qayta-qayta faol va ishchan erkak va ayollar hamyonlarida oltin 
varaqa olib yurib, har zamonda unga ko’z yugurtirishlariga guvoh bo’lganman. Bu 
oddiygina qog’ozda ular hayotlaridagi asosiy maqsadlar va ularga erishning so’ngi 
muddatlari yozilgan (shu sababdan ham bu “oltin varaqa” deb nomlangan). Shaxsiy, 
kasbiy va ma’naviy maqsadlarga erishishning yaxshi yo’li reja tuzib olishdir. Montaigni 
shunday degan edi: “Insonning eng buyuk amali bu - maqsadga intilib yashashdir”. 
Hayotda bu rusumda yashash aslida unchalik qiyin emas. Biroq ko’pchiligimiz hayotda 
xuddi juda ham katta havo bosimi bostirib kelib, bizni hozir qilinishi kerak bo’lgan 
ishlar bilan to’ldirib tashlaganga o’xshab yashaymiz. Men “Ferrarisini sotgan rohib” 
asarimdan ilhomlanib yozganim kabi, hamma ishni birdaniga bajarishga uringan inson 
hech birini qila olmaydi. Oltin varaqa tutib, unga har-har zamonda bir qarash, sanoqli 
maqsadlarga e’tibor qaratishga undaydi. Bu o’z-o’zini boshqarishga asos bo’ladi va siz 
faqatgina shu maqsadlarni bajarishga butun bir e’tiboringizni jamlaysiz va qolganlarini 
boshqa kunga qoldirasiz. Men sizga va’da beraman, agarda siz vaqtingizni faqatgina bir 
arzirli mashg’ulotga sarflasangiz, uni albatta muvaffaqiyat bilan bitirasiz.