Ha’zirgi ku’nde kishi biznes ha’m isbilermenlikti rawajlandırıw elimizde

 
4-tema. İsbilermenlik xızmetinde biznes reje. İsbilermenlikte 
ta’wekelshilik, qa’wip-qa’ter ha’m ba’seki 
 
1. İsbilermenlik xızmetin rejelestiriwdin’ a’hmiyeti, biznes rejenin’
mazmunı ha’m wazıypaları 
2. Biznes rejenin’ du’zilisi ha’m mazmunı 

---

48 
3. Ta’wekelshilikte ju’zege keletug’ın qa’wip-qa’terler ha’m keliwi 
mu’mkin bolg’an zıyanlardın’ ko’rinisleri 
4. Qa’wip-qa’terlerdi 
ekonomikalıq bahalaw ha’m ta’wekelshilik 
shegaraları 
5. Ba’sekinin’ mazmunı, ko’rinisleri ha’m usılları 
 
1. 
İsbilermenlik xızmetin rejelestiriwdin’ a’hmiyeti, biznes rejenin’ 
mazmunı ha’m wazıypaları 
 
Ha’r bir isbilermen o’z xızmetin baslawdan aldın keleshektegi finans, 
materiallıq, miynet ha’m intelektual resurslarg’a bolatug’ın talaplardı, olardı alıw 
dereklerin jaqsı biliwi ha’mde olardan na’tiyjeli paydalanıwı lazım. Bunın’ ushın 
isbilermen orınlanatug’ın jumıslardın’ anıq rejesin islep shıg’ıwı lazım. 
Biznes reje - isbilermenge ha’r qanday sharayatta o’z xızmetin baslawı ha’m 
onı ken’eyttiriw ushın imka’niyat jaratıp beredi. Anıq esap-sanaqlar, u’yreniw, 
tallaw tiykarında islep shıg’ılg’an biznes reje isbilermenge keleshekte bolatug’ın 
o’zgerislerdi aldınnan ko’re biliw, xojalıq xızmetin qadag’alaw, xızmet na’tiyjesin 
bahalaw faktorı esaplanadı. 
Bazar sha’rayatında isbilermen mudamı bazardın’ jag’dayı haqqında ha’m 
ondag’ı ba’seki haqqında mag’lıwmatqa iye bolıp, tallap, o’z jag’dayın 
rejelestirmese tabısqa erisiwi qıyın. Sonın’ ushın da ha’r bir firma o’zinin’ xojalıq 
xızmetinin’ taktikasın ha’m strategiyasın islep shıg’ıwı u’lken a’hmiyetke iye. Jaqsı 
islep shıg’ılg’an biznes rejege iye bolg’an isbilermen o’z xızmetin baslamastan aldın 
birge islesiwshilerdin’ ha’m investorlardın’ ko’p g’ana sawallarına juwap taba aladı. 
Biznes reje 

isbilermennin’ keleshekte xojalıq ju’ritiw ilajları ha’m jumısları 
bag’darlarının’ jobasınan ibarat bolıp, onı islep shıg’ıwdan maqset - ka’rxananın’ 
bazar talabı menen za’ru’r resurslardı alıwda anıq ha’m uzaq mu’ddetke 
mo’ljellengen ilajlardı rejelestiriwdi o’z ishine aladı. 
Biznes reje-jan’adan is baslag’an isbilermenlerge to’mendegi tiykarg’ı 
wazıypalardı sheshiwge ja’rdem beredi: firmanın’ keleshektegi xızmet bag’darın 
ha’m bazarda tutatug’ın ornın anıqlawda; firmanın’ o’z aldına qoyg’an maqsetine 
erisiw ushın jaqın ha’m uzaq mu’ddetli taktika ha’m strategiyasın islep shıg’ıwda, 
qa’liplestiriwde ha’m ha’r bir isti a’melge asırıwda juwapker adamlardı anıqlawda; 
firma ta’repinen tutınıwshıg’a usınıs etiletug’ın tovarlar ha’m xızmetler 
ko’rsetkishlerin tan’law ha’m anıqlawda; firma aldına qoyılg’an maqsetke erisiw 
ushın za’ru’r bolatug’ın o’ndirislik ha’m sawda qa’rejetlerin anıqlawda; maqsetke 

---

49 
erisiw 
ushın 
firma 
xızmetkerlerinin’ 
imka’niyatların 
bahalaw 
ha’m
muwapıqlastırıwda; bazardı u’yreniw, reklama, bahalardı belgilew, realizatsiya 
kanalların u’yreniw ha’m firmanın’ marketing ilajların anıqlawda; firmanın’ 
materiallıq ha’m ruwxıy awhalın bahalaw ha’m maqsetke erisiw ushın za’ru’r 
bolg’an qarjılardın’ dereklerin anıqlawda; firma xızmetin a’melge asırıwdag’ı 
qıyınshılıq ha’m tosqınlıqlardı aldınnan shamalawda. 
Biznes rejeni ju’zeki, jen’il-jelpi du’ziw firmanın’ qıyrawına alıp keledi. 
Sonın’ ushın da og’an waqıttı ayamay, teren’ oylap, qa’nigelerdin’ qatnasıwında, 
ha’r ta’repleme tiykarlap, puxta qılıp du’ziw lazım. Firma xızmetin biznes reje 
tiykarında qurıw bir qansha abzallıqlarg’a iye ha’m isbilermenge o’z xızmetin 
na’tiyjeli alıp barıwda u’lken imka’niyatlar jaratıp beredi.