Ходимлар мотивацияси модули бўйича топшириқлар

ХОДИМЛАР МОТИВАЦИЯСИ
модули бўйича топшириқлар


1 топшириқ

Қуйидаги келтирилган мотивация назариялари тавсифи билан танишинг.

Тавсифга мос келадиган рақамни жадвалдаги мос катакка белгиланг.
Мосликни аниқланг.

№	Мотивация назариялари	Тавсифга мос рақам
1.	Абрахам Маслоу “Эҳтиёжлар пирамидаси”
2.	Виктор Врум “Кутувлар назарияси”
3.	Дуглас Мак-Грегор “X” ва “Y” назарияси”
4.	Дж. Адамс “Адолатлилик назарияси”

1. Ушбу мотивация назариясининг моҳияти шундаки, мотивация нафақат эҳтиёжни қондиришга, шунингдек мақсадга эришиш учун танланган ҳоҳишга ҳам боғлиқ. Ушбу мотивация назариясида 3 та муҳим омилнинг ўзаро муносабати асосий ўрин тутади.
Кутилган нарса қанчалик қониқишга олиб келса, шунчалик мотивация кучли бўлади. Бу деган сўз – эҳтиёж тушунчасидан ташқари раҳбар мураккаб, қийин ишга яхши ҳақ тўланадиган ва руҳий рағбатлантириладиган вазиятларни яратиши керак.


2. Ушбу мотивация назариясида инсон хулк-атворининг икки модели, ходимнинг ўз меҳнатига икки хил муносабатда бўлиши мумкинлигини инобатга олиб яратилган. Биринчи назарияга кўра, ходим табиатан ялқов бўлган киши. Бундай холатда ходимни доимо мажбурлаш, назорат қилиш, жазолаш зарур. Иккинчи назарияга биноан ходимлар табиатан фаол, уларга ташаббускорлик ва қулай муҳит яратиб бериш кифоя қилади.
3. Ҳаммага бир хил адолатли ёндашилса, бу ҳолда ходим кучига куч қўшилиб, меҳнат қилади ва аксинча, яъни агар ходим бу ерда адолатсизликка йўл қўйилганини сезса, рағбатлантиришда тенгсизлик бўлса, у ҳолда корхонада низолар келиб чиқади.


4. Мотивлар иерархияси ҳақидаги таълимотга биноан инсондаги долзарб эҳтиёж тегишли мотивда ўз аксини топади ва шунга мувофиқ фаолият амалга ошади. Бу таълимот бўйича инсонда мавжуд ҳамма эҳтиёжларни ва шунга мос мотивларни еттита асосий гуруҳга киритиш мумкин.