Hujjat matni 537266-(551546)

Vazifalari, funksiyalari, vakolatlari, huquqlari va majburiyatlari
“Oʻta muhim va toifalangan obyektlar xavfsizligini taʼminlashni tashkil etilishini nazorat qilish boʻyicha viloyat idoralararo komissiyasi”ning kotibi hisoblanadi. Ushbu komissiyaning ish faoliyatini tashkillashtiradi va qabul qilingan qarorlar ijrosi ustidan
nazorat olib boradi.
Oʻzbekiston Respublikasi Prezidenti huzuridagi Xavfsizlik kengashining koʻrsatmalari va yigʻilish qarorlari talablarini tegishli idoralar, toifalangan obyektlar rahbarlariga yetkazish, shuningdek, obyektlar xavfsizligini taʼminlash ahvolini oʻrganib aniqlangan
kamchiliklarni oʻz vaqtida bartaraf etilishini hamda belgilangan vazifalarni muddatida sifatli ijro etilishini taʼminlaydi.
Viloyat Mudofaa ishlari boshqarmasi bilan hamkorlikda hokimliklar va ularga qarashli quyi tashkilotlarda ishlayotgan xodimlarni harbiy hisobga olish va bronlashtirish ishlarini tashkil etilishini nazorat qilib boradi.
Oʻzbekiston Respublikasi Qurolli Kuchlari uchun “Alohida davr”da ajratiladigan transport vositalarining limitlari va ishchi kuchi miqdorini aniqlaydi va nazorat qiladi.
Davlat strategik va safarbarlik zahiralarini shakllantirishni, shu jumladan ularni toʻplash, saqlash va yangilab borishni, shuningdek davlat strategik va safarbarlik zahiralaridan belgilangan tartibda tezkorlik bilan foydalanishga doimiy tayyor boʻlishni
taʼminlash ishlarini muvofiqlashtirib boradi.
Harbiy-maʼmuriy sektori faoliyatini tashkil etish boʻyicha amaliy harakatlar Strategiyasi (“Yoʻl xaritasi”)da mahalliy aholi, ayniqsa yoshlarni harbiy-vatanparvarlik ruhida tarbiyalash, harbiy qism komandirlari va muassasa boshliqlariga ularning kundalik
faoliyatini samarali tashkil etishda koʻmaklashish, harbiy xizmatchilar ijtimoiy himoyasini kuchaytirish, shuningdek, harbiy shaharcha va poligonlarning infratuzilmasini rivojlantirish boʻyicha belgilangan tadbirlarni muddatida sifatli ijro etilishini taʼminlaydi.
Viloyat hokimligi huzuridagi maxsus baza ishini muvofiqlashtirib boradi.
Guruh rahbari mehnat taʼtilida yoki xizmat safarida boʻlganda uning vazifasini bajaradi.
Viloyat hokimligida maxfiy ish yuritishga oid vazifalarni bajaradi shahar va tumanlar hokimliklarida rejimli-mahfiy organi xodimlariga amaliy va uslubiy yordam koʻrsatib boradi.
Maxfiylik rejimini va davlat sirlari hisoblanadigan hujjatlarini himoya qilishni taʼminlaydi.