Hujjatlarning ekspertizasi

4.4. Texnologik hujjatlarning metrologik ekspertizasi
Texnologik hujjatlarni metrologik ekspertizadan o‘tkazish ushbu hujjatlarda ko‘rsatilgan aniqlik me’yorlarini, o‘lchashlarning uslublarini, vositalarini, shart-sharoitlarini va protseduralarini standartlar, O‘lchashlarning Yagonaligini Ta’minlash Davlat Tizimi va boshqa me’yoriy hujjatlarning talablariga mos ravishda o‘rnatish maqsadida amalga oshiriladi.
Texnologik hujjatlarni metrologik ekspertizadan o‘tkazishning vazifalari quyidagilardan iborat:

• 
  o‘lchanadigan parametrlarning optimal nomenklaturasini aniqlash;
  
• 
  o‘lchashlar aniqligining texnologik jarayonlarning optimal rejimini ta’minlash talablariga mos keluvchi ko‘rsatkichlarini o‘rnatish;
  
• 
  o‘lchashlarni o‘tkazish vositalari va uslublari tanlanishining to‘g‘riligini baholash;
  
• 
  o‘lchashlarning berilgan aniqligini va zaruriy unumdorlikni ta’minlaydigan bir xillashtirilgan, avtomatlashtirilgan o‘lchash vositalarini ko‘proq qo‘llash imkoniyatini aniqlash;
  
• 
  qo‘llaniladigan o‘lchash vositalarining minimal mehnat sarfi va berilgan aniqlikda operatsiyaning minimal tannarxini ta’minlashini baholash;
  
• 
  o‘lchashlarni o‘tkazishning standavrtlashtirilgan yoki attestatsiyadan o‘tkazilgan uslublarining ko‘proq qo‘llanilishini o‘rnatish;
  
• 
  o‘lchash, nazorat qilish va sinovdan o‘tkazish natijalariga hisoblash texnikasi vositalari yordamida ishlov berishning maqsadga muvofiqligini aniqlash;
  
• 
  fizikaviy kattaliklar va ularning birliklarining to‘g‘ri nomlanishi va belgilanishini o‘rnatish.
  

Quyidagi texnologik hujjatlar metrologik ekspertizaga tortiladi:

• 
  eskizlarning kartalari, marshrut kartasi, operatsion karta, texnologik jarayon kartasi, tiplashgan texnologik jarayon kartasi, tiplashgan operatsiya kartasi;
  
• 
  texnologik yo‘riqnoma;
  
• 
  jihozlar vedomosti;
  
• 
  texnologik hujjatlarning spetsifikatsiyasi.