I – Бўлим I- боб. Техник эксплуатация қилишни ташкилаштириш

 
540. 
Метал устидан назорат қилишни мувофиқ қурилма тасарруфида бўлган цехларнинг ходимлари 
билан биргаликда “Ўзстандарт” агентлиги томонидан аккредитациядан ўтказилган лаборатория ўтказади. 
Бундан ташқари “Саноатгеоконтехназорат” маҳкамасига тегишли қурилмаларнинг металларини назорат 
қилишни бажарувчи лаборатория ушбу ишларни бажариш ҳуқуқини берувчи рухсатномага эга бўлиши 
шарт. Назорат қилишга тайёрлаш ва ўтказиш бўйича мажбуриятларни тақсимлаш электростанция бош 
муҳандиси томонидан тасдиқланади. Ишни бажариш учун махсус ташкилот жалб қилиниши мумкин. 
 
541. 
Электростанцияда қурилмаларнинг ишончлилигини ошириш бўйича тадбирлар ишлаб чиқиш 
учун метални назорат қилиш ва шикасланишлари натижалари ҳақида маълумотларни йиғиш ва таҳлил 
қилиш ташкиллаштирилиши шарт. Зарурият пайдо бўлганда меъёрий ҳужжатларда кўрсатилганидан 
кўпроқ метал устидан қўшимча назорат қилиш бажарилиши шарт. 
 
542. 
Назорат қилиш натижалари қайд этиладиган техник ҳужжатлар қурилма ҳисобдан чиқим 
қилингунча сақланиши шарт. 
 
543. 
Кириш назорат қилиш, етказилган қисмлар ва деталларнинг техник ҳолатини аниқлаш ҳамда 
қурилмаларнинг ишлатиш бошлангунча асосий ва эритиб ясалган метал ҳолатини таққослаб баҳолаш 
учун маълумотлар олиш ва кейинги эксплуатацион назорат қилишда “Саноатгеоконтехназорат” 
тасдиқлаган қоидалар ва техник шартлар талабларига мувофиқлигини баҳолаш учун уларнинг 
хусусиятлари миқдорини аниқлаш мақсадида ўтказилиши шарт. 
 
544. 
Кириш назорат қилишга янги ишга киритилувчи иссиқлик энергетика қурилмаларининг, ҳамда 
эксплуатация қилинаётган қурилмаларнинг таъмирланишидаги янги ўрнатилаётган қисмларининг ва 
деталларининг металлари киради. Металлар устидан кириш назорат қилиш усуллари ва ҳажми меъёрий 
(норматив) ҳужжатларда аниқланиши шарт.