I шахсий топшири=

E - электр майдон кучланганлиги вектори, [В/м],
D - электр силжиш вектори, [Кл/м²],
H - магнит майдон кучланганлиги вектори, [А/м],
B - магнит индукцияси вектори, [Тл].

Майдонларни тахлилий ифодалаш ва график кўринишда тасвирлаш учун фазо-вақт координаталар тизими қўлланилади. Ҳар бир ортогонал координаталар тизимига учта бирлик векторлари тўғри келиб, бунда (x, y, z, t) – декарт координаталар тизимини, (r, , , t) – сферик координаталар тизимини ва (r, , z, t) – цилиндрик координаталар тизимини англатади.

Табиатда кузатиладиган ва радиотехника сохасида қўлланиладиган электромагнит майдон Максвелл тенгламаларига бўйсинади. Максвелл тенгламалари тизимининг дифференциал кўриниши қуйидагича
rot H = J_ўтк + J_сил = E + (∂D/∂t),
rot E = - (∂B/∂t), (1.1)
div D = ,
div B = 0.
Максвелл тенгламалари тизими электромагнит майдоннинг қуйидаги асосий хусусиятларини таърифлайди:

• 
  ҳар қандай кўринишдаги электр токи уюрмали магнит майдонини хосил қилади;
  
• 
  ўзгарувчан магнит майдон уюрмали электр майдонни вужудга келтиради;
  
• 
  зарядлар электр майдон манбаидир;
  
• 
  магнит майдон ҳар доим уюрмали характерга эга;
  
• 
  электр майдон уюрмали ҳамда потенциал характерга эга бўлиши мумкин;
  
• 
  уюрмали майдоннинг куч чизиқлари узлуксиздир, потенциал майдон куч чизиқлари эса боши ва охирига (“исток” ва “сток”) эга.
  

Дифференциал шаклдаги Максвелл тенгламалари фақат чизиқли муҳитларда кучга эга бўлиб, бунда _а, _а, , параметрлари ёки координатага боғлиқ эмас, ёки узлуксиз координата функциясидир. Бироқ, амалда, ўрганилаётган соҳа икки (ёки ундан кўп) турдаги муҳитлардан ташкил топган бўлиши мумкин. Икки турли муҳитларнинг ажралиш чегарасида _а, _а,  параметрлари ноаниқ бўлганида, дифференциал шаклдаги Максвелл тенгламалари бунда ўз мохиятини йўқотади. Шунинг учун, бир муҳитдан иккинчи муҳитга ўтаётган электромагнит майдон векторларининг ҳаракатини ўрганиш учун интеграл шаклдаги Максвелл тенгламаларидан фойдаланиш лозим. ЭММ векторлари ташкил этувчиларининг ҳар хил муҳитлар чегарасидаги қийматлари орасидаги боғлиқликни кўрсатувчи муносабатлар чегаравий шартлар дейилади.