Ибрайым юсупов ҳӘр кимниң ӨЗ

 
 
 
 
 

---

46 
ШАЙТАННЫҢ ШАҒЫМЫ 
(Аллегорик ҳəзил) 
Шайтан ҳәзир компьютерге отырып,
Адамлардан сумлық үйренип атыр. 
Булытлар сен жүргендей барады ығып,
Даўыл ҳүким еткен жақларға қарай.
Шайтан Қап таўының басына шығып,
Тәңири таалаға шағынды былай: 
"Уллы Жаратыўшым, бүгин сизге мен
Мына хәзирги бенделериң үстинен
Шағым-арза жазып, ашыў-ызалы,
Жиберип атырман факс
9
арқалы. 
Қатты кетти ҳәзир адамызатың,
Бизге аўдармақта бар жаманатын.
Дөхмет деген нәрсе аўыр зат екен,
Шыдам берер емес сабыр-тақатым. 
Кеше бир наркоман—гиябент заңғар,
Сотланып атырып айтқан сөзи бар:
"Мени шайтан азғырды" деп жылайды,
Анасын өлтирген ол қудабийзар. 
Ол ийтти танысам екен сирәда,
Қараң өз қылмысын кимнен көреди? 
Ызғыған наркоман ҳәзир дүньяда,—
Бузықлықтың, жаўызлықтың дәреги. 
Топырақтан жараттың адамзатты сен,
"Бәрше жанзатлардың гүлтажы бол" деп.
9
Факс – почтада хаттың ҳаўа көширмеси. 

---

47 
"Жақсылық, дурыслық ҳақтан тилеген.
Ақыл, мириўбеттиң булағы бол" деп. 
Айттың: "Табыныңлар адамға!" дедиң.
Ал мен табынбадым сол мақлуғыңа.
Сол ушын дозаққа таслаған едиң
Мени, көнбеген соң өз пәрманыңа. 
Сен қадаған еткен бейиш мийўасын
Жегизгеним ырас Ҳаўа енеге.
Енди көр сол адамлардың қылўасын.
Аўзың бармас көбин "бендем" демеге. 
Шайтан адамларды адамға қайрап,
Пейил мүлкин шайқап, ғаўзастырады.
Инсанлық ҳүжданын, ийманын сынап,
Түрли жолға бурып, алжастырады. 
Ҳәр бендениң өз нәпси, өз мәпи бар,
Сол мәпине тийип кетсе биреўи,—
Кобиниң инсанлық көзи қапылар.
Тайып кетер ийман-инсап тиреўи. 
Адамзаттың сол бир әззи жерине
Шайтан түртип қашып, сынап, ойнайды.
Ал адамның базы ҳийлелерине
Ҳәтте шайтанның да жүреги суўлайды. 
Жеке адам менен ислесер шайтан,
Ал адамлар түрли мафия дүзип,
Жинаятлар ислеп, салады ойқан,
Шайтан жеркенерлик қылўасы бузық. 
Адамлар шөллерге бурып дәрьяны,
Теңизди қурытып, жаўратар елди.

---

48 
Сылтаў таўып урыс ашып, дүньяны
Полигон қылыўдың заманы келди. 
Олар әлле қашан умытқан сени.
"Кудайың ким?" десе, "Доллар" деп қояр.
Олар ушын нызам—соның дегени,
Фаусттай
10
өз жанын сатыўға таяр. 
Сумлық, алдаў, илим, зулым—төртеўи,
Тил табысса жаўыз мақсет жолында,
Ийеснз ормандай дүньяны өртеўи
Я жарып жибериў солар қолында. 
Лекин бенделер көп саған сыйынған,
Тәңирини бир билер халық деген киси.
Мен шығып атырман енди ойыннан,
Адамларға қалды шайтанның иси. 
Аман қалсақ бул барыстан егерде,
Берген демиң таўсылады қай таңда.
Адамның шайтаны өрбиген жерде
Жумыс қалмас екен ырас шайтанға. 
Жаратқаным, бул арзымды уғарсаң,
Я қайтадан дозағыңа тығарсаң.
Тәўир болар еди, адам қусатып,
Пулы барлаў пенсияға шығарсаң..." 
Сентябрь. 2003-жыл. 
10
Фауст—немислердиң әпсанасында доктор Фауст деген алым 
шайтанға жанын сатады — И.Ю. 

---

49