Ichki ishlar organlarida xizmatga nomzodlarni tanlab olish tadbirlarini

5-bob. Nomzodlarning intellektual rivojlanganlik darajasi va psixoemotsional barqarorligini
baholash
47. Tanlovning jismoniy tayyorgarlik darajasini baholash bosqichidan muvaffaqiyatli o‘tgan
nomzodlarning intellektual rivojlanganlik darajasi va psixoemotsional barqarorligini aniqlash
maqsadida psixologik o‘rganish o‘tkaziladi.
48. Nomzodlarning intellektual rivojlanganlik darajasi va psixoemotsional barqarorligini
baholash psixologik test sinovidan o‘tkazish orqali amalga oshiriladi.
49. Psixologik testlar, ularning javoblari va javoblar blankalari O‘zbekiston Respublikasi ichki
ishlar vaziri yoki uning o‘rinbosari tomonidan tasdiqlanadi.
Psixologik testlar nomzodlarning quyidagi psixologik xususiyatlarini aniqlashga yo‘naltiriladi:
aql-zakovat, umumiy intellektual salohiyat va xotira;
mantiqiy fikrlash, ziyraklik, tafakkur shakllarining rivojlanganlik darajasi, fikrlash tezligi va tahlil
qilish qobiliyati;

---

shaxsga xos individual xususiyatlar, kirishimlilik, psixik turg‘unlik, samimiylik.
50. Psixologik testlar, ularning javoblari va javoblar blankalari Qabul komissiyasi kotibida
saqlanadi, kotib testlar va ularning javoblari oshkor qilinmasligi uchun mas’ul hisoblanadi.
51. Psixologik o‘rganish boshlanishidan avval nomzodlar intellektual rivojlanganlik darajasi va
psixoemotsional barqarorlikni baholash bo‘yicha kichik komissiya (bundan buyon mazkur bobda
kichik komissiya deb yuritiladi) a’zolari tomonidan psixologik o‘rganishni o‘tkazish tartibi, har bir
vazifa bo‘yicha nazarda tutilgan baholash mezonlari bilan tanishtiriladi.
52. Nomzodlar psixologik o‘rganish o‘tkaziladigan xonaga o‘zining biometrik pasporti yoki
identifikatsiya ID-kartasini ko‘rsatgan holda kiritiladi.
53. Test sinovlari o‘tkazilayotgan xonaga jadval, kitob, uyali telefon, kompyuter, kalkulyator
hamda boshqa telekommunikatsiya vositalari va shpargalkalar olib kirish taqiqlanadi.
54. Nomzodlar barcha harakatlarni komissiya a’zolari ko‘rsatmalariga muvofiq bajaradi.
Mazkur ko‘rsatmalarga amal qilmagan nomzod xonadan chiqarib yuboriladi hamda u test
sinovlarini bajarmagan hisoblanadi.
55. Nomzodlar bilan test sinovlari yakka tartibda yoki guruh bo‘lib o‘tkazilishi mumkin. Test
guruh tarkibida o‘tkazilganda, xonada nomzodlar soni 30 nafardan oshmasligi zarur.
56. Test boshlangunga qadar nomzodlar sog‘lig‘ining holati surishtiriladi. O‘zini yomon his
qilayotganidan shikoyat qilgan nomzodlar shu kuni test sinoviga qo‘yilmaydi. Bunday hollarda
nomzodga boshqa kuni qayta test sinovidan o‘tish uchun ruxsat berilishi lozim.
57. Psixologik o‘rganish davomida nomzodlarga ikki qismdan iborat bo‘lgan test asosida
vazifalar beriladi.
Bunda, birinchi qismda (intellektual rivojlanganlik darajasini o‘rganish) nomzodlarga 40 ta
topshiriqdan iborat bo‘lgan 3 ta vazifa, ikkinchi qismda esa, (psixoemotsional barqarorlik darajasini
o‘rganish) 141 ta savoldan, shuningdek javoblarning samimiy yoki nosamimiyligini aniqlash
yo‘nalishi bo‘yicha beriladigan 15 ta savoldan iborat 1 ta vazifa beriladi.
58. Nomzodga berilgan vazifalarni bajarish uchun 1 soat 30 daqiqa, shuningdek har bir
vazifani o‘qib chiqish uchun qo‘shimcha 5 daqiqadan — umumiy 1 soat 50 daqiqa vaqt beriladi.
59. Savollarning o‘ziga xosligidan kelib chiqib, javob variantlari berilishi yoki berilmasligi
mumkin. Nomzodlar test savollariga javob variantlarini belgilashda javoblar varaqasidagi
variantlardan faqat bitta to‘g‘ri javobni belgilashi lozim.
60. Test sinovlarini topshirish vaqtida nomzodning xonadan chiqishi taqiqlanadi, bundan
nomzodning sog‘lig‘i yomonlashgan holatlar mustasno.
61. Test sinovlarini o‘tkazish vaqtida sinovlar o‘tkazilayotgan xonada nomzodlar hamda kichik
komissiya a’zolaridan tashqari boshqa shaxslarning bo‘lishi taqiqlanadi.
62. Nomzodning psixologik test savollariga bergan javoblari 2 kun ichida mazkur
Yo‘riqnomaning 
10-ilovasiga
muvofiq Psixologik test natijalarini hisoblash jadvali asosida kichik
komissiya a’zolari tomonidan hisoblab chiqiladi.
63. Psixologik testlarni bajarmagan, shuningdek test natijalari qoniqarsiz baholangan
nomzodlarga sinovni qayta topshirishga ruxsat berilmaydi.
64. Test sinovining natijalari bo‘yicha, u o‘tkazilgan kundan boshlab 2 kun ichida kichik
komissiyaning psixologik o‘rganish tadbirlarida ishtirok etgan a’zolari tomonidan mazkur
Yo‘riqnomaning 
11-ilovasiga
muvofiq shaklda qaydnoma rasmiylashtiriladi va imzolanadi.
Psixologik o‘rganish natijalari qaydnoma rasmiylashtirilgan kunning o‘zida nomzodlarga e’lon
qilinishi lozim.
65. Psixologik o‘rganish natijalariga asosan quyidagi xulosalardan biri chiqariladi:
ichki ishlar organlarida xizmatga tavsiya etish haqida;
ichki ishlar organlarida xizmatga tavsiya etmaslik haqida.
66. Baholash natijalariga ko‘ra, ichki ishlar organlarida xizmatga tavsiya etilgan
nomzodlargina yakuniy suhbatga qo‘yiladi.

---