Ifodali o`qish va mutolaa madaniyati” fanidan materiallar 1-mavzu: “Mutolaa madaniyati” fanining predmeti, maqsad va vazifalari. Reja

Savol va topshiriqlar.

1. 
   Tovush, so`z va jumlaning vazifasi va mutolaa san'ati to`g`risida fikr yuriting.
   
2. 
   Jumla, so`zning psixologik funktsiyaga
   

7-маvzu: Intonatsiya, temp va ritm ifodali o`qishning muhim vositalari sifatida (2 s.)
REJA:

1. 
   Intonatsiya va intonatsion vositalar haqida.
   
2. 
   Temp, nutq tempini belgilovchi vositalar. Urg`u, pauza.
   
3. 
   Ritorik murojaat. Parallelizm. Anafora.
   
4. 
   Ritm. Band ritmi. Alliteratsion ritm. Anafora ritm.
   

Tayanch tushunchalar. Sintaktik figuralar, sintaktik figuralar ko`rinishlari, takror va uning nutqdagi o`rni, emotsionallik, ritorik so`roq, badiiy nutq ta'sirchanligi.
Fonеtik akustika. Biror jismning boshqa bir jism ta'sirida tеbranishi va bu tеbranishning quloqqa eshitilishi tovushning akustik (eshitilish) tomonidir. Jismning tеbranishi havoni to’lqinlantiradi, natijada tovush hosil bo’ladi. Nutq to-vushlari oliy asab tizimi signali tufayli tovush paychalarining tеbranishidan nutq a'zolarida hosil bo’ladigan shovqindan iboratdir.
Akustik jihatdan tovushning balandligi, kuchi, tеmbri va cho’ziqligi farqlanadi. Tovushning balandligi tеbranishning miqdoriga bog’liq: tеbranish qancha ko’p bo’lsa, tovush ham shunchalik baland bo’ladi va aksincha, tеbranish oz bo’lsa, tovush ham past bo’ladi. Tеbrangich qancha kichik bo’lsa, u shuncha tеz tеbranadi, binobarin, tovush ingichka chiqadi.
Urg’u ifodali o’qishning asosiy vositalaridan biri bo’lib, u ta’kidlash, ayricha diqqat uchun zarurdir.Urg’u yordamida so’zlarni to’g’ri talaffuz qilish ma’noni chuqurroq anglash mumkin. Ilmiy adabiyotlar ma’lumotiga ko`ra urg`u so’z urg’usi, gap urg’usi, dinamik urg’u, psixologik urg’u kabi turlarga bo’linadi. So’z urg’usi ma’no farqlashdek muhim ahamiyatga ega: “qo’shma” fe’l bo’lsa, birinchi bo’g’inni, sifat bo’lsa, ikkinchi bo’g’inni cho’zibroq aytish lozim. Akademik, bo’g’lama, bog’lar,etik, atlas, gulsiz,tugma singari so’zlar fikrimizni dalillaydi.
Mantiqiy urg’u ifodali o’qish uchun muhim, negaki matnda yashiringan bo’lib, uni aniqlash kitobxonning aql-idrokiga ham bog’liq. U qaysi so’zni alohida ta’kidlashni istasa, o’sha so’zhi alohida ajratib aytadi. Ayni damda, kitobxon mantiqiy urg’uni izlayotganda badiiy asardagi uyushib kelgan va ma’noni kuchaytirish uchun qo’llangan takroriy so’zlarga, ergash gaplardagi bir manzarani tasvirlovchi bir xil bo’laklarga hamda ayrim gaplardagi ta’kidlovchi so’zlarga alohida e’tibor berishi zarur. Odatda mantiqiy, ya’ni gap urg’usidan keyin qisqa pauza qilinadi:
Mening yuragimdan boshqa do’stim yo’q,
Yaqin yo’lolmagay g’anim yo malik.
Vale, bilib qo’ying – hech kim, hech qachon
Menga pand bermagan yuragimchalik.
Aytaylik, yuqoridagi to’rt satr doirasida “yuragimchalik” so’zini alohida ajratib aytish mumkin. Bunda shoir yuragidan astoydil og’ringani ta’kidlangan. Boshqa bir ijrochi “hech kim, hech qachon” so’zlarini alohida urg’u bilan aytishi mumkin.
Bunday holatda esa eng ko’p pand bergan yuragi ekanligi ta’kid qilinmaydi. Ayni choqda har bir satr uchun alohida bir so’zga mantiqiy urg’u qo’yish mumkin. Birinchi satrda “boshqa”, keyingi satrda “yo’lolmagay”, uchinchi satrda “hech kim, hech qachon” so’zlarini,oxirgi satrda “pand” so’zini alohida urg’u bilan aytish mumkin. Muhimi, mantiqiy urg’u duch kelgan so’zga qo’yilmaydi. Urg’u asarning mazmunli, jozibali chiqishiga yordam berishi lozim.
Pauza (gr. pausus-tugash, to’xtash so’zidan) – nutq davomida tin olish, bir nafas to’xtab o’tish. Badiiy asarlarni o’qish jarayonida pauzaning o’rni muhim. Pauzaning ko’rinishi uch xil:
1. Grammatik pauza.
2. Mantiqiy pauza.
3. Psixologik pauza.
Badiiy asarlar tarkibida mavjud tinish belgilariga asoslanib qilingan to’xtalish grammatik pauza deyiladi. Odatda so’roq, undov, nuqta, vergulga qilingan
to’xtalish grammatik pauza asosini tashqill qiladi.
Shoshilib kelganda allaqayerdan,
Qaygadir yo’l boshlab ketadi mani.
Esiga tushganga o’xshaydi birdan
Chorasiz umrimning tugab qolgani.
Nimadir izlayman
Yo’q bisotimdan,
Yana boramanmi
Xudoga yig’lab?
Onajon!
Onajon!!!
Nahot, ortimda-
Chirigan xazonlar qolar shivirlab?!
So’z guruhlarini bir-biridan ajratib, matn ma’nosini aniq va to’liq ifodalashga xizmat qiluvchi pauza mantiqiy pauza deyiladi. Mantiqiy pauza so’zlar orasiga vertikal chiziq tortish bilan belgilanadi:
Qoshi yosinmu deyin, // ko’zi qarosinmu deyin,
Ko’nglima har birining // dard-u balosinmu deyin?!
Yoki:
Endi Sizga // gap navbati, // o’rtoq so’roq,
Ana chiqdi // so’roq belgi // misli o’roq.
Psixologik pauza – muallifning, asar qahramonining matnda yashiringan ruhiy holatini ifodalagan kuchli his-hayajon. Ruhiy pauza ifodali o’qish jarayonida asar ifodasining jonli, jozibali, ta’sirchan chiqishini ta’minlaydi. “Intonatsiya” lotincha so’z bo’lib, “qattiq talaffuz qilish” degan ma’noni anglatadi.
Ovozning ko’tarilib tushishi, jumla yoki satrlarning tez yoxud sekin o’qilishi kabilar o’z me’yorida bo’lsa, ohang tinglovchini o’ziga jalb qiladi. Intonatsiya asar mazmunini, muallif maqsadini, qahramon kayfiyatini, his-tuyg’usini tinglovchiga yetkazib beruvchi muhim vositadir.
“Temp” lotincha so’z bo’lib, “sur’at”, tezlik”, “daraja”, “vaqt” degani. “Ritm” esa grekcha so’z bo’lib, “takt”, “ohangdosh” ma’nolarini anglatadi. She’riy nutqdagi muayyan bo’laklarning biror teng vaqt ichida izchil va bir o’lchovda takrorlanishiga ritm deyiladi. Badiiy adabiyotda temp va ritm asarning g’oyaviy-badiiy mohiyatini ochishga xizmat qiladi, o’quvchi zavqini oshiradi.
Ma’lumki, nutq tafakkur mahsulidir. Kishi fikri yoki maqsadini ikkinchi bir kishiga so‘zlar vositasida yetkazib, o‘zaro fikr almashadi, aloqada bo‘ladi va kayfiyatini ifoda etadi. Fikr-tuyg‘ular, maqsad-intilishlar, his-hayajonlar boshqalarga ovoz tovlanishi orqali ham yetib boradi. Muayyan istak, niyat, intilish, harakat natijasida yuzaga keluvchi ana shu ovoz tovlanishlariga intonatsiya deyiladi.
Ifodali o‘qish jarayonida intonatsiyaning ahamiyati katta.
Badiiy asarda intonatsiya orqali qahramonlarning turli kayfiyati, ichki kechinmasi ifodalanadi. Ayniqsa, poetik asarlarning ritmik ohangdorligini tinglovchiga yetkazishda intonatsiya katta rol o‘ynaydi.
Intonatsiyaning muhim xususiyatlaridan biri shundaki, ta’kidlanganidek, u asar mazmuni, muallif maqsadi, fikr-tuyg‘usi hamda kayfiyatidan tabiiy ravishda kelib chiqadi.
Mashq (birorta badiiy asardan parcha keltiriladi).
Hayot bor joyda qimirlash, qimirlash bor joyda esa temp, temp bor joyda ritm bor. Demak, hayot va mehnatni ma’lum temp va ritmsiz tasavvur etish mumkin emas. Mehnat ma’lum bir me’yorda takrorlannsa charchatmaydi. Shuning uchun ham mehnat jarayonida aytiladigan ashulalar ohangi ish-harakatga hamohang bo‘ladi.
Badiiy adabiyot hayotni in’ikos ettirar ekan, unda ham temp va ritm saqlanadi. Bu yozuvda tinish belgilari orqali ifodalanadi.
Badiiy adabiyotda temp va ritm asarning g‘oyaviy-estetik mohiyatini ochishga xizmat qiladi, nutqning emotsional ta’sirchanligini kuchaytiradi, estetik zavq uyg‘otadi. Demak, temp va ritm ifodali o‘qishda muhim ahamiyat kasb etadi.
Har qanday asarda o‘ziga xos temp va ritm yashiringan bo‘ladi. Shuning uchun o‘quvchi to‘g‘ridan-to‘g‘ri ifodali o‘qishga kirishmasdan, avval asar bilan puxta tanishib chiqishi lozim. So‘ngra asarning temp va ritmi o‘zgaradigan yerlarini qalam bilan belgilab olgach, ifodali o‘qishga kirishsa, asar mazmuni, muallif maqsadi tingovchiga to‘liq yetib boradi.
Temp lotincha tempus so‘zidan olingan bo‘lib, sur’at, daraja, vaqt degan ma’nolarni anglatadi.
Temp – ifodali o‘qishning his-hayajon jihatdan intensivligi, uning iztirobli, hayajonli nafasidir. Asarda temp qahramonlarning ichki kechinmalari, his-hayajon, voqealar rivojining keskinligi darajasiga ko‘ra o‘zgarib turadi.
Ifodali o‘qish jarayonida tempni ko‘tarish hovliqish degan gap emas, aksincha, jonlantirish demakdir.
Agar biror harakat ma’lum bir vaqt me’yorida bajarilsa, tempni ko‘tarish o‘sha vaqtni qisqartirishga olib keladi, natijada yashash (kechinma)ni ham, shu orada aytiladigan so‘zni ham bir oz tezlashtirib, qisqartirilgan vaqt miqyosiga joylashtirishga to‘g‘ri keladi.
Agar ifodali o‘qish jarayonida temp inobatga olinmasa, nutq so‘lg‘in, jonsiz bo‘lib, ta’sir kuchi pasayadi.
Dialogik nutqda temp qahramonlarning xarakter-xususiyatidan kelib chiqadi. Nutq tempi asar mazmuni va muallif maqsadiga ko‘ra goh pasayadi, goh ko‘tariladi. Badiiy asarlarni ifodali o‘qiganda o‘qish tempining o‘rinsiz ko‘tarilishi yoki pasayishi asarning g‘oyaviy-estetik ta’sir kuchini susaytiradi.
Ritm grekcha so‘zdan olingan bo‘lib, vazndosh, ohangdosh degan ma’nolarni anglatadi. Ritm ifodali o‘qishda katta o‘rin tutadi.
Badiiy adabiyotda, ayniqsa, she’riyatda misradagi kichik bo‘laklarning bir-biriga monand ravishda takrorlanib kelishi ritmni hosil qiladi. Masalan, barmoq tizimidagi she’rlarda ritm, turoq, qofiya, radiflar yordamida va misralardagi hijolarning bir tekisda takrorlanishidan maydonga keladi. Aruz tizimiga mansub she’rlarda esa ritm cho‘ziq va qisqa hijolarning bir xil tartibda takrorlanishidan hosil bo‘ladi. Erkin she’rlarda har bir satr zinapoya shaklida bo‘laklarga bo‘lib yoziladi va ularni o‘qiganda mazmunga qarab ritm saqlanadi.
Hаr qаndаy nutq sintаktik jihаtdаn to`g`ri tuzilgаn bo`lsа, u tа’sirchаn bo`lаdi. O`zbеk tili sintаksisidа jоzibаli nutqni yuzаgа kеltiruvchi imkоniyatlаrdаn biri invеrsiyadir. Invеrsiyadаn mе’yoridа fоydаlаnish nutq tа’sirchаnligini оshirаdi. Chоg`ishtiring: qo`lingni еlkаmdаn tоrt (so`rаsh, iltimоs), tоrt qo`lingni еlkаmdаn (qаt’iy tаlаb, buyruq) Аmmо invеrsiya qоidаlаrigа e’tibоr qilmаy, uni buzib yoki mе’yoridаn оrtiqchа qo`llаsh nutq sаviyasini pаsаytirаdi: Bir dаftаr ko`rsаtishdi mеngа Fаrg`оnа vоdiysidа yurgаnimdа bir kun uni vаrоqlаdim-u, qаytib оlоlmаdim bоshimni undаn, o`qib tugаtmаgunimchа. Muhаbbаt uyigа o`xshаrdi, bu dаftаr chiqib kеtgisi kеlmаsdi kishining. (T.To`lа. “Nаfоsаt”)
Nоtiq o`z nutqini ixchаm vа tа’sirchаn qilib ifоdаlаshidа turli xil sintаktik uslubiy figurаlаrdаn fоydаlаnishi mumkin. Bulаr оrаsidа sifаtlаsh, (epitеt), o`xshаtish, mubоlаg`а, jоnlаntirish, tаkrоrlаsh, аntitеzа kаbilаr nutqni bеzаydi, аytilgаn fikrni xоtirаdа uzоq sаqlаnib qоlishigа ko`mаklаshаdi. Bulаr hаqidа “Bаdiiy tаsvirning lеksik vоsitаlаri” T.:”Fаn”, 1982-yil mоnоgrаfiyamizdааtrоflichа fikr yuritilgаni uchun bu o`rindа to`xtаb turmаdik.
Tа’sirchаn nutq tuzishdа so`z vа grаmmаtik shаkllаrining tаkrоri sаlbiy hоdisа hisоblаnаdi. Аmmо uslubiy nuqtаi nаzаrdаn bа’zi gаplаr tаrkibidаgi bir o`zаkli so`zlаrning tаkrоr ishlаtilishi o`zini оqlаydi. Ulаrni qo`llаsh mа’nоni kuchаytirаdi: Bаrnоlаr bаrnоsi, ilg`оrlаr ilg`оri, chеvаrlаr chеvаri kаbi. Bundаy tаkrоrlаrning аyrimlаri frаzеоlоgik birliklаrgа hаm аylаnib qоlgаn: Аytgаni аytgаn, dеgаni dеgаn. qаt’iy fikrli dеmаk. Оdаtdа tаkrоrlаr аytilаyotgаn fikrni оydinlаshtirаdi, turmush vоqеаlаrini yanаdааniqrоq tаsvirlаsh imkоniyatini bеrаdi. Lеkin аyni bir so`zni ko`r-ko`rоnа tаkrоrlаsh fikrni xirаlаshtirаdi: Tаlаbаlаr yig`ilishigа yig`ildi; O`qituvchi o`quvchilаrgа tоpshiriq tоpshirdi kаbi.
So`zki tаkrоr o`ldi dilkаsh emаs, dеb ulug` bоbоmiz А.Nаvоiy bеjiz аytmаgаn edi. Оg`zаki nutqning mаzmuni, bаlki uning jаrаngdоrligi, hissiy tа’sirchаnligini yozmа nutqdа tinish bеlgilаri hаm ifоdаlаb kеlаdi. Tinish bеlgilаri hаr qаndаy yozmа nutqning nоtаsi bo`lib, o`quvchi vа yozuvchilаrning diqqаt mаrkаzidа bo`lishi kеrаk.
Sintaksisning stilistik imkoniyatlari. Sintaktik stilistika birliklarini belgilash bu sohaning predmetini belgilash demakdir. Ritorika, poetika, adabiyot nazariyasida sintaktik figuralar deb atalgan qurilmalar stilistik snntaksis vositalari deb qaraladi. Bundan tashqari, o`rinli va original qo`llangan sintaktik qurilmalar ham stilistik vositalar bo`lib xizmat qiladi.
Antik ritorikadan boshlab sintaktik figuralar deb atalayotgan hodisalar (ritorik so`roq, ellips, gradatsiya, band, anafora, epifora, takror, antiteza kabilar) badiiy-poetik sintaksis birliklari hisoblanadi. O`zbek tili badiiy-poetik sintaksisi elementlari haqida fikr yuritilganda ham, shular tilga olinadi.Булардан айримларига қуйидагича қисқа таъриф бериш мумкин: