Iii analitik guruh kationlarining umumiy tavsifi va guruh reagent ta’siri

4. Sulfat kislota bilan mikrokristalloskopik reaksiyasi
Kaltsiy kationining konsentrlangan eritmasi sulfat kislota bilan xarakterli kristall gips CaSO₄·2H₂O ni hosil qiladi: Ca²⁺+SO²⁺₄+2H₂O = CaSO₄·2H₂O
Reaksiyani bajarish uslubi:
Buyum oynachasiga 1 tomchi kaltsiy tuzi eritmasidan tomizib, ustiga 1 tomchi sulfat kislota eritmasi qo‘shiladi. So‘ngra suv hammomida kristall cho‘kmalar hosil bo‘lguncha bug‘latiladi. Yulduz shaklidagi ninasimon kristallarni mikroskopda ko‘riladi va shakli laboratoriya daftariga chiziladi. CaSO₄·2H₂O
kristallari to‘yingan ammoniy sulfat eritmasida eriydi. Bu reaksiyadan Ca²⁺ni Sr²⁺ va Ba²⁺ kationlaridan ajratishda foydalaniladi.
4. Alangani bo‘yash reaksiyasi. Platina yoki nixrom simdagi kaltsiy tuzlari
gazning rangsiz alangasiga kiritilsa alanga qizil-g‘isht rangga kiradi, bunday rang
kaltsiy kationiga xosdir.
3.2.Stronsiy Sr²⁺ kationining xususiy reaksiyalari
Reaksiyalarni bajarishlarida stronsiyning eruvchi tuzlari stronsiy xlorid va
nitratlardan foydalaniladi.
1. Sulfat kislota va eruvchan sulfatlar. Sr²⁺ kationi bilan SrSO₄ ning oq
cho‘kmasini hosil qiladi:
SrCl₂ + (NH₄)SO₄ = SrSO₄↓+ 2NH₄Cl
Sr²⁺ + SO^2-₄ = SrSO₄↓
Probirkaga 4 tomchi stronsiy xlorid yoki nitrat eritmasi solinib, ustiga bir necha tomchi ammoniy sulfat eritmasi qo‘shiladi, oq cho‘kmaning hosil bo‘lishi kuzatiladi. Reaksiyani bajarish tartibi:
-Cho‘ktirishni ammoniy sulfatning to‘yingan eritmasi bilan olib borish kerak.
-Eritmada Ca²⁺ ning bo‘lishi stronsiy kationini ochishga halaqit bermaydi.
-Cho‘kma birdaniga hosil bo‘lmasligi mumkin, shu sababli reaksion aralashmani
5-6 soatgacha qoldirib, keyin hulosa chiqarish mumkin.