Iii analitik guruh kationlarining umumiy tavsifi va guruh reagent ta’siri

1.Ammoniy oksalat (NH₄)₂ C₂O₄ Ca²⁺ kationi bilan oq kristall cho‘kma hosil qiladi;
CaCl₂ + (NH₄)₂C₂O₄ = CaC₂O₄↓ + 2NH₄Cl
Ca²⁺ + C₂O₄^2- = CaC₂O₄↓
Probirkaga 3 tomchi CaCl₂ eritmasi solinadi, 1 tomchi sirka kislota eritmasi
qo‘shiladi, so‘ngra 3 tomchi ammoniy oksalat va 1-2 tomchi ammiak eritmasi
qo‘shiladi. Kaltsiy oksalatning oq kristall cho‘kmasi hosil bo‘ladi.
Bu reaksiyani olib borish sharoiti:
-cho‘ktirishni avval pH=5-6 da olib borib, so‘ngra oxirida pH=7-8 da olib borilsa yaxshi natija beradi;
-isitish cho‘kma tushishiga yordam beradi, shu sababli eritma qaynash haroratigacha isitiladi;
-Ba²⁺ va Sr²⁺ kationlari reaksiyaning bajarilishiga halaqit beradi, chunki ular
ham oz eruvchan oksalat cho‘kmalari hosil qiladi.
Shuni ta’kidlab o‘tish lozimki, Ca²⁺, Sr²⁺, Ba²⁺ kationlari oksalatlarining sirka kislotada eruvchanligi turlichadir. Kaltsiy oksalat sirka kislotada erimaydi, bariy oksalat sirka kislotada stronsiy oksalatga nisbatan birmuncha ko‘p darajada eriydi.
2. Ammoniy karbonat bilan ochish.
CaCl₂ +(NH₄)₂CO₃ → CaCO₃↓ + 2NH₄Cl
Ca²⁺+CO₃^2- → СаCО₃↓
Probirkaga 2-3 tomchi CaCl₂ eritmasidan solib, ustiga 3-4 tomchi (NH₄)₂CO₃ eritmasidan qo`shiladi. Oq cho‘kma hosil bo`ladi.
3. Kaliy geksasianoferrat (II) K₄[Fe(CN)₆] Ca²⁺ tuzlari eritmalariga ammiakli
buffer aralashma ishtirokida ta’sir qilib, oq kristall cho‘kma hosil qiladi:
CaCl₂ + 2NH₄Cl + K₄[Fe(CN)₆] = Ca(NH₄)₂[Fe(CN)₆] ↓ +4 KCl
Ca²⁺ +2NH⁴⁺ + [Fe(CN)₆]^4- = Ca(NH₄)₂[Fe(CN)₆] ↓
Probirkadagi 1-2 tomchi kaltsiy tuzi eritmasiga 1 tomchidan ammoniy gidroksid va ammoniy xlorid eritmalaridan qo‘shiladi, eritma isitiladi va 3-4 tomchi K₄[Fe(CN)₆] ning to‘yingan eritmasi qo‘shiladi, oq cho‘kma hosil bo‘lishi
kuzatiladi.