Iii analitik guruh kationlarining umumiy tavsifi va guruh reagent ta’siri

2. Ammoniy oksalat (NH₄)2C₂O₄ Sr²⁺ tuzlariga ta’sir ettirilganda oq cho‘kma hosil bo‘ladi:
SrCl₂ + (NH₄)₂C₂O₄ = SrC₂O₄↓ + 2NH₄Cl
Sr²⁺ + C₂O₄^2- = SrC₂O₄ ↓
Probirkadagi 1-2 tomchi stronsiy tuzi eritmasiga ammoniy oksalat tuzi eritmasidan shuncha tomchi qo‘shiladi. Oq SrC₂O₄ chokmasining tushishi kuzatiladi.
3.Gipsli suv bilan reaksiyasi. Stronsiy tuzi eritmasiga suyultirilgan sulfat kislota yoki eruvchan sulfatlar ta’sir ettirilsa, oq cho‘kma, stronsiy sulfat hosil bo‘ladi:
Sr²⁺+SO^2-₄= SrSO₄ (ch)
Stronsiy tuzi eritmasiga gipsli suv (kaltsiy sulfatning to‘yingan eritmasi) qo‘shilsa va isitilsa, shu zaxoti, past temperaturada esa biroz vaqtdan so‘ng cho‘kma hosil bo‘ladi. Bariy kationi bu reaksiyani ochish uchun xalaqit beradi.
Reaksiyani bajarish tartibi:
Probirkaga 4 tomchi stronsiy tuzlari eritmasiga 5-6 tomchi «gispli suv» qo‘shiladi. 10-15 min suv hammomida isitiladi. Oq mayda kristall cho‘kma hosil bo‘ladi.
4.Alangani bo‘yash reaksiyasi. Gazning rangsiz alangasini stronsiy tuzlari och qizil rangga kiritadi.
3.3.Bariy Ba²⁺ kationlarining xususiy reaksiyalari Ba²⁺ ioni reaksiyalarini o‘rganishda bariy xlorid BaCl₂ yoki bariy nitrat Ba(NO₃)₂ eritmalari qo‘llaniladi.
1.Kaliy xromat K₂CrO₄ yoki kaliy dixromat K₂Cr₂O₇ Ba²⁺ kationlari bilan sariq kristall cho‘kma hosil qiladi:
BaCl₂+K₂CrO₄= BaCrO₄↓+ 2KCl Ba²⁺+CrO₄^2- = BaCrO₄↓
2BaCl₂+ K₂Cr₂O₇ + H₂O = 2BaCrO₄↓+ 2KCl +2HCl
2Ba²⁺+Cr₂O₇^2- + H₂O = 2BaCrO₄↓+ 2H ⁺
Probirkaga 3 tomchi bariy xlorid yoki bariy nitrat eritmasidan solib, ustiga kaliy xromat K₂CrO₄ yoki kaliy dixromat K₂Cr₂O₇ eritmasidan 3 tomchi qo‘shiladi va suv hammomida isitiladi. Bunda bariy xromat BaCrO₄ ning sariq kristall cho‘kmasi hosil bo‘ladi.