Ijtimoiy fanlar

Tahririyat - davlat (munitsipal) muassasasi - muayyan davlat organi, viloyat, shahar 
ma’muriyati tomonidan tashkil etiladi. U hammuassis sifatida ishtirok etishi, mustaqil 
balansga, bank muassasalarida o‘z hisob raqamiga, muhriga, noshirlik va tovar 
belgilariga ega bo‘lishi mumkin. Tahririyat muassisi belgilab bergan mavzu doirasida 
materiallar chop etadi, o‘quvchilarini davlat boshqaruvi yoki mahalliy o‘z-o‘zini 
boshqarish organlari faoliyati bilan tanishtiradi, ijtimoiy ahamiyatli muammolarning 
muhokamasini tashkil qiladi. U o‘zining tashkiliy maqsadlariga mos keladigan 
tadbirkorlik faoliyati bilan shug‘ullanishi mumkin.
Tahririyat-nashriyot marketingi - tahririyat faoliyatining o‘ziga xos turi bo‘lib, u 
OAV kanalini bozorga olib kirish bilan bog‘liq, uning faoliyat yuritishini ta’minlashga, 
auditoriyasining axborotga bo‘lgan ehtiyojlarini qondirishga yo‘naltirilgan bo‘ladi.
teleeshittirish, videoklip, film va h.k.). 
Trollar - bu tarmoqdan foydalanuvchilar, odatda, tarmoqdagi o‘zaro hamkorlik 
qoidalarini buzadi, nizolarni keltirib chiqarish uchun turli tajovuzkor va tahqirli 
harakatlarni amalga oshiradi. 
Trolling - bu foydalanuvchining salbiy reaksiyasiga erishish uchun provokatsiya turidagi 
xabarlarning qasddan chop etilishi. Bunda boshqa odamni yoki odamlar guruhini 
provokatsiya qilish mumkin. Tarmoq trollari ham guruh bo‘lib harakatlanishi, 
muvofiqlashtirilgan yoki tasodifiy psixologik hujumlar uyushtirishi mumkin.
46
Trolling - uning yordamida trollar — real odamlar tomonidan boshqariladigan profillar 
orqali xabarlar tarqatiladigan uyushgan tizim. 
Fakt -real bo‘lib o‘tgan voqea to‘g‘risidagi haqqoniy, tekshirilgan bilimlar. 
Faktoid - qisman tekshiriladigan tasvirlovchi axborot, zero u sodir bo‘lgan voqeani 
qisman yoritadi. 
Faktcheking - faktlarni tekshirish, uning yordamida chop etilgan faktlar bilan haqiqatda 
mavjud bo‘lgan faktlar o‘rtasidagi nomutanosibliklar aniqlanadi.