Илмий рахбар: П. ф н. Отаханов Н. А. Наманган-2012 р е ж а

Таълим берувчи: ўқувчилар томонидан ўқув материалини қабул қилиниши, ўрганиш объектларида мавжуд бўлган алоқа ва муносабатларни чуқур англаш.
Ривожлантирувчи мақсад: ўқувчиларнинг билишга бўлган қизиқишини орттириш, умумлаштиришга ўргатиш, таҳлил қилиш, қиёслаш, ўқувчиларнинг ижодий фаоллигини ошириш.
Тарбиявий мақсад: илмий дунёқарашни шакллантириш ва ривожлантириш, мустақил ва гурухдаги ишларни қатъий режа асосида амалга ошириш, ўртоқлик ва ўзаро ёрдам ҳисларини тарбиялаш.
Мультимедиали технологиялар қуйидаги масалаларда фойдаланиш мақсадга мувофиқ ҳисобланади:
1. Мавзуларни эълон қилиш. Машғулот мавзуси слайдларда ифодала-нади ва қараладиган масаланинг асосий таянч бўлимлари қисқа баён этилади.
2. Ўқитувчи баёнига йўлдош сифатида. Амалиётда муайян машғулотлар учун махсус ишлаб чиқилган мультимедиали технологияларнинг конспект-презентация кўриниши кенг қўлланади. Улар ўқув материали бўйича қисқа матн, асосий формулалар, схемалар, расмлар ва видеопарчаларни ўз ичига олиши мумкин. Мультимедиа-презентациялардан фойдаланилганда янги мавзуни баён этиш жараёнида слайдларнинг етарлича ҳажмда бўлиши ва тизимли асосда қурилган кетма-кетлиги орқали мавзунинг энг асосий қисмларини кўрсатиш мумкин. Шунингдек, экранда таъриф, теоремалар, схемаларни кўрсатиш ва уларни ўқитувчи заруратга кўра ўқувчиларга кўчириб олишни таклиф этиши мумкин. Бу ҳолда ўқитувчи ўқувчилар дафтарга ёзиб олишлари учун мавзунинг такрорланадиган қисмлари учун вақт сарфламайди ҳамда ўқув материалини одатдаги дарсларга қараганда кўпроқ баён этишга эришади. Бундай презентацияларни одатда битта компьютерда, видеопроектор билан ҳамкорликда намойиш қилинади. Бир слайддан иккинчи слайдга фақат кўрсатилган тугмалар чертилганда ўтилиши дастурчи томонидан эътиборга олинади. Бунда ўтишни конкрет бир ҳил вақтга боғлаш ярамайди, чунки ўқувчиларни қабул қилиши тезликлари бир-биридан фарқ қилади.
3. Информацион-ўқув қўлланмаси сифатида. Бугунги кунда таълим жараёнида ўқувчиларнинг фаоллигига, ўқув ва бошқа маълумотларни қидиришига, англашига ва билимларни қайти ишлашига алоҳида эътибор билан қаралмоқда. Бу ҳолда ўқитувчи таълим жараёнини бошқарувчи вазифасини бажаради, ўқувчиларнинг мустақил ишларини ташкил қилади ва уларга ўз вақтида эҳтиёжга кўра ёрдам беради, қўллаб-қувватлайди. Информацион-ўқув қўлланмалари ўқувчи қандайдир сабаб билан вазифаларни ўз вақтида бажара олмаган ҳолда ёки машғулотга кела олмаган вазиятларда қўлланади. Бу ҳолда ўқувчи дарсдан кейин информатика кабинетига бориб, ўқув материалини мустақил ўзлаштиришга харакат қилади. Ва аксинча, берилган вазифаларни ҳал қилиб бўлган ўқувчилар бошқаларни кутмай, навбатдаги вазифаларга ўтишлари мумкин. Шундай қилиб, ўқитувчи ва ҳар бир ўқувчи машғулот вақтида самарали фойдала-нишга эришади.
Таълим жараёнини бундай усулда ташкил этишга мўлжалланган мультимедиали дастурий воситалар иложи борича тўла ҳамда бир неча мавзуларни (ўзаро боғланган ёки бир-бири билан ўхшаш) ўз ичига олиши лозим. Бунда мавзунинг турли бўлимларини мустақил ўрганишни таъминлаш мумкин, шунингдек олдиндан ўрганишни ҳам ташкил қилиш мумкин. Ана шу мақсадда ишлаб чиқилган презентациялар структураси етарлича мураккаб (болаларнинг имкониятларини эътиборга холда), чизиқсиз, тармоқланувчан ҳамда ўрганилган мавзу ва тушунчалар бўйича “қўлда” бошқариладиган бўлиши лозим. Мураккаб структурали презентацияларда албатта мавзу ва унинг бўлимларига ўтишда ёрдам берувчи “бош меню” нинг бўлиши шарт.