Ilmiy-metodik jurnali scientific-methodical journal ministry of public education of the

“XALQ TA’LIMI” ilmiy-metodik jurnali. 2018. № 4.   www.xtjurnali.zn.uz
qayd  qilish  kerakki,  ko‘plab  pedagogika  oliy  ta’lim  muassasalari  bitiruvchilari 
hamda o‘qituvchi-amaliyotchilarning bilim, ko‘nikma va malakalari yetarlicha kasbga 
yo‘naltirilmagan, ya’ni: oliy ta’lim muassasalarida o‘rganiladigan matematika fanlari-
ning  fanlararo  aloqasini  to‘liq  tushunishmaydi,  maktab  matematika  kursini  tuzishda 
buning  o‘rni  va  ahamiyatini  chuqur  anglashmaydi,  turli  ixtisoslashgan  maktablarda 
matematika o‘qitish maqsadlarini aniq va ravshan anglab yetishmaydi, matematikani 
o‘rganishga  differentsiallashgan  yondashuv  mohiyatini  to‘g‘ri  tushunish  shakllanma-
gan, o‘qitishning samarali texnologiyalarini qo‘llay olmaydilar.
Xulosa qilib aytganda, talabalarni kasbiy (metodik va psixologik-pedagogik) tay-
yorlash borasida qator tadqiqotlar olib borilmoqda; boshlang‘ich sinf o‘qituvchisining 
professiogrammasi ishlab chiqilgan, o‘qituvchilar faoliyati o‘zining tabiatiga ko‘ra ijodiy 
xarakter kasb etishi qayd qilingan; bo‘lajak boshlang‘ich sinf o‘qituvchilarining “Mate-
matika  o‘qitish  metodikasi”  fanidan  metodik  tayyorgarlik  ularda  yangi,  ilgari  ma’lum 
bo‘lmagan bilimlarni hosil qilish yoki bilim, ko‘nikma va malakalarni rivojlantirish hamda 
takomillashtirishga yo‘naltirilgan.
Bo‘lajak boshlang‘ich sinf o‘qituvchilari metodik tayyorgarligi hozirgi holatining tah-
lili shuni ko‘rsatadiki, integrativ bilimlarni o‘zlashtirish jarayoni oliy pedagogik ta’limni 
amalga oshirishning innovatsion tamoyillariga to‘la mos kelmaydi, boshlang‘ich ta’lim 
rivojlanishidagi o‘zgarishlar va istiqbollar unda yetarlicha aks etmaydi.