Imtixon uchun savol-javoblar

IMTIXON UCHUN SAVOL-JAVOBLAR
(8 ta darsdan)

1. 
   Qur’on so’zining ma’nosi nima? Qur'oni Karim qanday kitob?
   

- ”Qur’on” so’zining o’zbekcha ma’nosi qiroatdir. Qur'oni Karim Allohning kalomi. Uni Jabroil alayhissalom payg'ambarimiz Muhammad sollallohu alayhi va sallamga 23 yil davomida oyatma-oyat olib tushgan.

2. 
   Qur'oni Karim bizga nimani o'rgatadi?
   

- Qur'oni Karim- insoniyatga qanday yashash, nimalarga e'tibor berish, qanday amallarni bajarib, qaysi ishlardan qaytishni o'rgatuvchi ilohiy dasturdir.

3. 
   Tajvid so’zining ma’nosi nima? Tajvidning ta'rifini ayting.
   

- “Tajvid” so’zi arabcha “Javvada” so‘zidan olingan bo‘lib, o‘zbekchada “Yaxshilash”, “Chiroyli qilish”, “Bezash”, “Mustahkamlash” degan ma'nolarni bildiradi.
Tajvid - Qur'oni Karimdagi harflarni o'z maxrajidan aniq chiqarib, ularning barcha sifatlarini berib, tajvid qoidalariga amal qilgan holda qiroat qilish ilmidir.

4. 
   Tajvid o'rganishning hukmi qanday? Tajvidda farzi ayn va farzi kifoya nima?
   

- Qur'onni to'g'ri o'qiydigan darajada tajvid ilmini o'rganish har bir musulmonga farzi ayn, tajvid ilmini chuqur o'rganib, boshqalarga o'rgatish esa farzi kifoyadir.
Farzi ayn - Qur‘on o‘qishda tajvidga amal qilish har bir musulmonga farzi ayndir. Har bir kishi Kalomi sharifni to‘g‘ri o‘qiy oladigan darajada tajvidni o‘rganib, unga amal qilishi shart.