Kim, nima uchun 29 harfni 17 maxrajga jamlagan?
- Ulamolardan Imom Ibnul Jazariy ayrim harflarning maxraji bir -biriga juda yaqin ekanligidan bir nechtasini bir maxrajga kirgizgan. Va natijada 29 harfdan 17 ta maxraj hosil bo'lgan. Aslida har bir harf o'z maxrajiga ega bo'lgan.
Maxrajlar necha turga bo’linadi va ular haqida ma'lumot bering.
Undosh harflar qaysi maxrajdan chiqadi?
- 28 ta undosh harflar Muhaqqoq maxrajdan chiqadi.
Muqoddar maxrajdan qaysi harflar chiqadi?
- 3 ta mad harflari (aliful maddiya, vaavul maddiya, yaaul maddiya) muqaddar maxrajdan chiqadi.
Harflar maxraji qanday aniqlanadi?
- Harfni sukunli yoki tashdidli qilib, oldiga harakatli hamzani olib kelamiz. Ichimizdan chiqib kelayotgan tovush qayerda to’xtasa , shu joy o’sha harfning haqiqiy (muhaqqoq) maxrajidir.
Harf va Sifatning bir-biridan farqi nimada?
- Harf - og‘iz bo‘shlig‘i yoki halqumda aniq bir joyga tayanadigan tovushdir.Bu ta’rif undosh harflar uchun.
Unli va undosh harflar uchun quyidagi ta’rif o’rinli:
Harf - bu Muhaqqoq va Muqoddar maxrajga tayanadigan tovushdir. Yana bir ta'rifi: Harf bu- tovushning yozma shaklidir. Sifat esa harfning xarakteri, ya'ni maxrajda paydo bo’lish kayfiyatini bildiradi. Agar sifatga kengroq ta’rif bersak: Sifat - harflarning o’ziga xos xususiyati, xarakteri bo’lib, tovushning talaffuz me’yori va maxrajda paydo bo‘lish usulini bildiradi.
Sifatning necha turi bor? Ular haqida ma'lumot bering.
- Sifatning 2 turi bor. Lozim sifat va Oriz sifat. Lozim sifat - harf bilan birga maxrajda paydo bo'ladi va doimo harfda saqlanib qoladi. Oriz sifat - tajvid qoidalari kelgandagina paydo bo'ladi va harfda doimo saqlanib qolmaydi:
Do'stlaringiz bilan baham: |
