“informatika” fanidan tayanch iboralar

Portativ ishchi stansiyalar - qudratli va yirik ko`chma SHKlardir.

«Lap Top» turidagi portativ kompyuterlar - «diplomat» hajmidagi kichik chemodanchalar ko`rinishida tayyorlanadi.

Elektron yozuv daftarchalari (organizer – organayzerlar) - ixcham kompyuterlarning «eng engil sinfi»ga kiradi (bu sinfga ulardan tashqari kalkulyatorlar, elektron tarjimonlar va boshqalar kiradi); ularning og`irligi 200 grammdan oshmaydi.

Printer – ma’lumotlarni qog`ozga chiqaruvchi qurilma.

Matrisali printerlar- printerning yozish kallagida vertikal tartibda ignalar joylashgan. Kallak yozuv satri bo`ylab harakatlanadi va ignalar kerakli daqiqada bo`yalgan lenta orqali qog`ozga uriladi.

Purkovchi printerda - tasvir qogozga maxsus qurilma orqali purkaladigan siyoh tomchilaridan yuzaga keladi.

Lazerli printerlar - matnlarni bosmaxona sifati darajasiga yaqin darajada chop etishni ta’minlaydi. U ishlash nuqtai nazaridan nusxa ko`chiruvchi kseroksga yaqin. Bunda faqat bosuvchi baraban kompyuter buyrug`i yordamida elektrlanadi. Bo`yoq donachalari zarblanib barabanga yopishadi va tasvir hosil bo`ladi

Modem - telefon tarmog`i orqali kompyuter bilan aloqa qilish imkonini beruvchi qurilmadir.

Faks-modem – bu, faksimil xabarlarni qabul qilish va jo`natish imkonini beruvchi modemdir.

Skaner – kompyuterga matn, rasm, slayd, fotosurat ko`rinishida ifodalangan tasvirlar va boshqa grafik axborotlarni avtomatik ravishda kiritishga mo`ljallangan qurilmadir.

Plotterlar – bu, kompyuterdan chiqarilayotgan ma’lumotlarni qog`ozda rasm yoki grafik ko`rinishda tasvirlash imkonini beruvchi qurilmadir.

Bit – axborotning eng kichik birligi