Инновацион иқтисодиёт

5.Лойиҳа консрукторлик ишлари усули-лойиҳалаштирилган объектлар ва жамлаб бўлмайдиган ҳар хил кўрсаткичларни таҳлил қилишдан иборатдир.

Юқоридаги усуллар ёрдамида корхоналарда инновацион технологиялар ва хизмат кўрсатувчи тармоқларнинг ишлаб чиқариш фаолияти ва иқтисодий самарадорлиги таҳлил қилиниб, келгусида ривожлантириш истиқболлари белгилаб олинади.

Инновациявий лойиҳа концепциясини давлат томонидан тартибга солиниши ва қўллаб-қувватланиши ишлаб чиқаришида қуйидаги асосий услублардан фойдаланилади:

лойиҳа мақсадларини аниқлаш услублари;

мақсадларга эришиш йўллари таърифи ва таҳлилини расмийлаштириш услублари (мақсадлар дарахти, эксперт тизимлари, ижтимоий таҳлил ва ҳ.к;

концептуал лойиҳалаштириш услублари.

Сўнгги йиллардаги ахборот технологияларининг ривожланиши «data mining – маълумотлардан билим олиш» йўналиши пайдо бўлишига олиб келди. Ушбу йўналиш инновациявий лойиҳа ғояси пайдо бўлиши жараёнини рағбатлантириш қобилиятига эга бўлган инструментал воситаларни яратишга имкон беради. Ҳозирги кунда data mining услублари қабул қилинган қарорларни қўллаб-қувватлаш тизимини барпо этишда қўлланилади.Биринчи қарашда кўриб бўлмайдиган қонуниятларни аниқлаш мақсадида, ахборотларнинг катта массивларини қайта ишлаш йўналиши бўйича мазкур ёндашувнинг ривожланиши, фойдаланувчига эса инновациявий фаолиятнинг давлат томонидан тартибга солинишида истиқболли йўналишларини кейинчалик таҳлили учун, таклиф этадиган ахборот тизимлари пайдо бўлишини прогноз қилиш имконини беради.

Инновациявий лойиҳани давлат томонидан тартибга солиниши ва қўллаб-қувватланиши муваффақиятли амалга оширишнинг услублари асосий шартлари сифатида қуйидагиларни таъкидлаш мумкин:

лойиҳанинг предмет соҳаси, бошланғич шароитлар ва чекланишлари расмий ифодасини ўз ичига олган, бизнес-режа мавжудлиги;

мезонлар танловини асослаш, ресурслар тақсимотини оптималлаштириш ва батафсил молиявий режа ишлаб чиқишни ҳисобга олган ҳолдаги муқобил вариантлар таҳлили;

ижтимоий омилни ҳисобга олиш бўйича таклифлар ва ҳ.к.