Инновацион иқтисодиёт

1.3. “Инновацион иқтисодиёт” фанининг ўрганиш услубиёти ва усуллари

Корхоналарда инновацион технологиялар фаолиятини таҳлил қилиш ва жорий этиш учун ҳар хил усуллардан фойдаланилади. Ушбу усуллар орқали ишлаб чиқаришда рўй берадиган инновацион ҳодисаларни иқтисодий баҳолайди. Корхоналар инновацион ишлаб чиқаришида қуйидаги усуллардан фойдаланилади:

1.Статистик гуруҳлаш усули – инновацион технологиялардан рационал фойдаланиш, маҳсулот таннархи, меҳнат унумдорлигининг ўсиши, меҳнат ресурслари, инновацион технологиялардан унумли фойдаланиш ва бошқа кўрсаткичларни ўрганади. Бу усул ёрдамида инновацион лойиҳа шакллар таркибини, бир-бирига боғлиқлигини, харажатлар ва даромадлар тенденцияларини, ишлаб чиқаришни модернизациялаш шароитини янада ривожлантириш истиқболларини аниқлаб беради.

2. 
   Монографик усул – республикамиздаги ёки хорижий тажриба алмашиш мақсадида корхоналарни умумий ва айрим тармоқларнинг
   

инновацион фаолиятини, ишлаб чиқариш жараёнлари технологиясини

ривожланиш истиқболларини аниқлаб беришдан иборат.

3. 
   Аналитик ҳисоб усули – корхоналарда инновацион технологиялар фаолиятини таҳлил қилиш ва барча тармоқларни ривожлантириш йўлларини белгилайди.
   

Корхоналарни модернизациялаш орқали ишлаб чиқаришни иқтисодий фанлар назарияси орқали ижтимоий ривожланишни чуқур тадқиқот қилиб, кейинги йилларда катта ютуқларга эришиш учун инновацион технологиялар фанига математик тадқиқот усуллари катта самара бермоқда.

4.Иқтисодий математик усули - математик рақамлардир, корхоналарда инновацион технологиялар,барча ишлаб чиқариш соҳалари бўйича кўрсаткичларини таҳлил қилишда математик рақамлар 3 манбадан олинади:

• 
  Бизнес режадан;
  

• 
  Инновацион фаолият ҳисоботидан;
  

• 
  Меъёрий маълумотлар, технологик карта ва маълумотномалар.
  

Иқтисодий математик усул бир қанча босқичларга бўлинади. Тайёрлаш, иқтисодий таҳлил, абстрак рақамлар, маълумотлар йиғиш ва уни ўрганиш.